The Scotsman (1939) / “Paqja duhet të bazohet mbi drejtësinë” — Intervista me mbretin Zog në Londër

Nga Aurenc Bebja*, Francë – 11 Qershor 2025

“The Scotsman” ka botuar, të martën e 12 shtatorit 1939, në faqen n°8, intervistën e Mbretit Zog dhënë asokohe një gazetari në Londër, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Mbreti Zog i Shqipërisë

“Paqja duhet të bazohet mbi drejtësinë”

Mbreti Zog i Shqipërisë, i cili ka mbërritur në Londër, do t’i bashkohen së shpejti gruaja dhe fëmija i tij. Ai i tha dje një gazetari se nuk mund të thoshte nëse qëndrimi i tyre do të ishte i përhershëm. “Por mund të jetë shumë i gjatë”, tha ai.

“Edhe motrat e mia do të vijnë”, shtoi ai. “Kohëzgjatja e qëndrimit tonë varet nga rrethanat.”

I pyetur nëse ishte e mundur t’i përcillte një mesazh popullit britanik në rrethanat e tanishme, Mbreti Zog u përgjigj: “Mund të them vetëm se kjo luftë është një fatkeqësi shumë e madhe për njerëzimin. Ne duhet të luftojmë me guxim. Kur ke një dorë të gangrenizuar, kirurgu e pret”, vazhdoi ai me një gjest të shpejtë.

“Paqja, megjithëse mund të jetë e vështirë për t’u arritur, duhet të bazohet mbi drejtësinë, dhe të gjithë e dimë dhe ndihemi të sigurt se ideali britanik i qeverisjes bazohet në paqe dhe drejtësi. Ju lutem, interpretojini popullit britanik simpatinë time dhe dijeninë se kombi juaj qëndron lart në zemrat e të gjitha kombeve të vogla. Ne kemi arsye të veçanta për admirim sepse shumë nga udhëheqësit tuaj kryesorë kanë bërë kaq shumë për kauzën shqiptare.”

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/the-scotsman-1939-paqja-duhet-te-bazohet-mbi-drejtesine-intervista-me-mbretin-zog-ne-londer/. Në rast të kundërt mos e publiko.

Publikuar në :

https://www.kultplus.com/lajme/the-scotsman-1939-paqja-duhet-te-bazohet-mbi-drejtesine-intervista-me-mbretin-zog-ne-londer/

https://opinion.al/1939-paqja-duhe-te-bazohet-mbi-drejtesine-intervista-me-mbretin-zog-ne-londer/

https://alb-spirit.com/2025/06/11/the-scotsman-1939-paqja-duhet-te-bazohet-mbi-drejtesine-intervista-me-mbretin-zog-ne-londer/

https://www.drini.us/the-scotsman-1939-paqja-duhet-te-bazohet-mbi-drejtesine-intervista-me-mbretin-zog-ne-londer/