Vargje dashurie


Adivije Hoxha (Fotografi e marrë në profilin facebook të autores)
Adivije Hoxha (Fotografi e marrë në profilin facebook të autores)

------------------------

Puthja e endrres

------------------------

 

U nisa,

fluturova tek ti...

Te pashe,

te preka,

te putha enderr...

Joni im,

ashtu shtrenguar,

dashuruar,

siç rri ti,

me Adriatikun...

 

Ta thitha frymen,

buzen,

i ndjeva rrahjet melodioze te zemres tende,

ne timin kraharor,

ashtu zemer mbi zemer,

ne perkedheljen e dores,

i pasterti xeheror...

 

Dhembjen e harrova,

si xhaketen e zeze,

harruar mbi gur...

 

Fluturova,

te pashe,

te preka,

te putha enderr....

 

 

09/10/2014

 

 

-------------

Puthja...

-------------

 

Si hije hyre ti, ngadalë,

në dhomën e akullt,

ku rrija unë...

Ëmbël,

pëshpërite ca fjalë

e lehtas më puthe në buzë.

 

Një gjethe vjeshte

nga dega ra,

e trembur hapa sytë...

Gjithandej,

mjegull e akull,

puthja në buzë kish ngrirë!...

 

24/10/2015

 

 

-----------------------

Valle ndjenjash

-----------------------

 

Fjalë pafund më the,

të thashë

dhe sytë nganjëherë i përqafuam,

një ditë krejt papritur,

njëri-tjetrin përvëluam...

 

Mjaltëzuar buzët tona,

te cepi një kafshim i lehtë,

-prill ishte a nëntor,

me kaloi mendim i beftë...

 

Qeshej dielli i lumturuar,

harkuar krahët nga atje,

qelizat trupit vallëzonin,

valle ndjenjash mbi ne....

 

05/11/2015

 

 

--------------

Besoja...

--------------

 

Besoja se më deshe,

ndoshta,

jo aq sa unë

a pak më shumë,

 

Momentet,

ua shkundën ditëve

ndryshkun vjeshtor,

flisnin hareshëm së nesërmes së gjatë.

Besoja.

 

Ditët ishin flutura të arta,

ardhjet buzëqeshnin

siç dhembnin ikjet,

netët këndonin me zërin tënd...

 

Një lot i diamantë

mbeti varur në përvjetor..

 

Tani ditët zvarriten,

bjerrur në slitë mendimesh.

sajesa "arsyesh",

largimi....

 

Unë prapë dua

(dua dashurinë),

Ti, kufi mes nesh...

 

13/12/2015

 

 

------------------

Dashuria....

------------------

 

Dashuri,dashuri,

e ndërtuar si gjuha je....

Në fillim e ëmbël,

pastaj e kripur,

e thartë...

E në fund,

të hidhurën ke....

 

03/01/2016

 

 

-------------------------------------

"Të dua, po mos trego!...."

-------------------------------------

 

A mund të fshihet dielli,

kush mund të ma thotë!?

Se diell është dashuria,

të fshihet është e kotë.....

 

Unë të them:- veç duajmë,

gjithë bota ta marrë vesh.

Me qeshjet e dashurisë

dhe bota le të qeshë!

 

Dashuria, askënd s'ka vrarë,

veç ka lumturuar.

Ne jemi "vrastarë",

"vrasim" duke xhelozuar....

 

Ti, veç duajmë!

E gjithë bota ta marrë vesh!

Me dashurinë tonë

gjithë bota le të QESHË! :))))

 

06/01/2016

 

 

-----------

Nëse...

-----------

 

Nëse një ditë

do të zbardhë pa mua,

përmes rrezeve të diellit

prapë do të them: TË DUA!..

 

E nëse dielli ,

do të jetë fshehur mes resh,

kërkomë brenda zemrës,

se aty, do të më gjesh.....

 

Nëse ta thotë goja:

"këtu gjithçka mbaron",

kujtimi i dashurisë

nuk fshihet me gomë...

 

16/02/2016

 

 

------------------------------

Mbeti në të shkuar...

-----------------------------------

 

Sa fjalë kemi thënë,

(s'besoj më mëshirove),

çiltërsisht, flisja me shpirt,

kur dikë e do vërtet,

gjithë bota sillet rreth tij...

 

Sa fjalë kemi thënë....

(mbeti në të shkuar)

gjithçka u kyç tek unë,

dhe pse zemra vuan...

 

Sa fjalë kemi thënë të dy,

"fundbarkun"

kemi nxjerrë pa frikë...

Të doja,

(në më doje s'e di),

për gjithçka që lind

ka vdekje, një ditë...

 

23/02/2016

 

 

-----------------------------

Fatet s'janë njësoj...

-----------------------------

 

Janë të ndara rrugët, shtigjet,

një FAT të gjithë nuk e kanë,

ashtu si ti i numëron ditët,

mua, një varg më rri pranë...

 

Nuk e kuptuam si u poqëm,

se ditët ikën e më s'i pamë,

veç kur e ndjem që u dogjëm,

atëherë ish vonë,

e kuptim s'i dhamë.....

 

Dashuria është një emër,

shumë i nevojshëm për çdokënd,

është vetëm NJË,kur ndjen me zemër,

ndaj numërimi për të s'ka vend....

 

04/03/2016

 

 

--------------

Dashuria

--------------

 

Të duash në jetë

kur s'të duan,

të qeshësh me dhimbjen

atëherë kur vuan,

të ecësh nëpër ditë

kur ëndërrat ndalin,

të falësh veten ku s'të falin...

Të këndosh për atë

që s'të dëgjon,

të vuash për atë

që s'të beson,

tek ajo që ka vdekur

të shpresosh,

ja, çdo të thotë të dashurosh...

 

05/03/2016

 

 

 © Adivije Hoxha 

Blogu : Dars (Klos), Mat - Albania