Deklaratat e Ismail bej Qemalit nga Vjena (1911) : “Qeveria osmane të plotësojë kërkesat e malsorëve shqiptarë.”


Ismail Qemali
Ismail Qemali

Nga Aurenc Bebja*, Francë – 5 Nëntor 2019

 

“L’Echo de Paris” ka botuar, të martën e 1 gushtit 1911, në faqen n°3, intervistën e Ismail Qemalit në lidhje me kërkesat e malsorëve shqiptarë ndaj qeverisë osmane, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Intervistë e Ismail bej Qemalit

 

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

(Shërbimi special i L’Echo de Paris)

 

Vjenë, 31 korrik.

 

Zeit-i publikon sot një intervistë të deputetit shqiptar Ismail bej Qemalit, aktualisht në Vjenë. Udhëheqësi shqiptar bëri këto deklarata :

 

Malsorët janë të vendosur që të respektohen kërkesat e tyre : ata kanë humbur të gjithë besimin në qeverinë osmane.

 

Çdo gjë që kanë, shtëpi dhe bagëti janë sakrifikuar, por ata do të vazhdojnë të mbrojnë çështjen (të drejtat) e tyre deri në vdekje.

 

Kombet mbajnë përgjegjësinë e tyre morale për situatën e tanishme, meqë fuqitë nuk e kanë parë të arsyeshme të marrin në konsideratë nëse pretendimet shqiptare janë të arsyeshme, të drejta dhe në pajtim me Kushtetutën.

 

Ato (Fuqitë) nuk e kanë pyetur Turqinë pse, nëse është me të vërtetë një vend kushtetues, ajo nuk i pranon këto kërkesa.

 

Nëse situata e tanishme vazhdon, qëndrimi brutal i Turqisë dhe indiferenca e fuqive do të çojnë në shkatërrimin e këtyre popullsive të guximshme dhe të pafat. – (Daily Telegraph)

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/deklaratat-e-ismail-bej-qemalit-nga-vjena-1911-qeveria-osmane-te-plotesoje-kerkesat-e-malsoreve-shqiptare/. Në rast të kundërt mos e publiko këtë shkrim.

 

 

Publikuar në :

 

https://americaneye.al/ismail-qemali-nga-vjena-1911-qeveria-osmane-te-plotesoje-kerkesat-e-malesoreve-shqiptare/

 

https://balkanweb.com/qeveria-osmane-te-plotesoje-kerkesat-e-malsoreve-shqiptare-deklarata-e-ismail-bej-qemalit-nga-vjena-1911/

 

https://opinion.al/ismail-qemali1911-osmanet-te-plotesojne-kerkesat-e-malesoreve-shqiptare/

 

https://tiranatoday.al/qeveria-osmane-te-plotesoje-kerkesat-e-malsoreve-shqiptare/

 

https://gazetamapo.al/ismail-qemali-1911-osmanet-te-plotesojne-kerkesat-e-malesoreve-shqiptare/

 

https://boldnews.al/2019/11/05/ismail-qemali-1911-osmanet-te-plotesojne-kerkesat-e-malesoreve-shqiptare/

 

https://tirananews.al/ismail-qemali-1911-osmanet-te-plotesojne-kerkesat-e-malesoreve-shqiptare/