Arbëreshi Angelo Masci në Journal de l’Empire (1808) : “Asgjë e saktë nuk është shkruar deri tani për kombin shqiptar, dhe ato pak të thëna janë si një re e dendur dhe e errët, e cila fsheh më shumë se kurrë të vërtetën.”


Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Nga Aurenc Bebja*, Francë – 9 Janar 2018

 

Gazeta e Perandorisë franceze, “Journal de l’Empire”, ka botuar, të dielën e 24 korrikut 1808, në faqen n°2, veprën e arbëreshit Angelo Masci (Ëngjëll Mashit) me titull “Essai sur l’origine, les mœurs, et l’état actuel de la nation albanaise - Discorso sull'origine, costumi, e stato attuale della nazione Albanese. ”

 

Blogeri Aurenc Bebja, nëpërmjet faqes së tij “Dars (Klos), Mat – Albania”, sjell disa rrëfime të autorit për shqiptarët :

 

Shtrirja e kombit shqiptar nga Shkodra deri në Artë

 

“Një popull, aq i famshëm por që është pak i njohur, një komb, i cili, për shekuj me radhë nuk ka ndryshuar zakonet e tij, të cilat, i gjejmë në mesin e njerëzve të qytetëruar, ende ruan zakonet barbare (e lashta) dhe meriton me siguri vëmendje. Asgjë e saktë nuk është shkruar deri tani për këtë komb, dhe ajo që është thënë në të shkuarën është si një re e dendur dhe e errët që fsheh më shumë se kurrë të vërtetën. E kam fjalën për kombin shqiptar. Ai shtrihet në një territor të gjerë, në të cilin është indigjen (autokton), duke filluar nga Shkodra e deri në Artë, por gjithashtu ka një numër të madh kolonish të shpërndara në More, Siçili dhe Itali.”

 

Maqedonasit, Epirotët dhe Ilirët

 

“Ushtarët e Aleksandrit, Pirros dhe Skënderbeut ishin të të njëjtit popull.”

 

Pasioni i shqiptarëve

 

“Shqiptari është natyrë e gëzuar. I pëlqejnë gostitë e mëdha dhe argëtimet; kërkon sidomos të kërcejë. Ai e ka zakon të ecë me shpatë në dorë, duke kënduar vargje që i kujtojnë veprimet e guximshme të njerëzve të mëdhenj të kombit. Është bujar, por neglizhon të vë pasuri : nuk nguron të japë diçka kur dikush i kërkon ndihmë ; por i ndodh të jetojë gjithashtu si lypës.”

 

Shqiptari në rolin e ushtarit

 

“Shqiptarët janë të gjithë ushtarë; vetëm mosha apo sëmundja mund t'i përjashtojë nga kjo detyrë. Secili prej tyre, pa shpresë shpërblimi, pa marrë ndonjë kompensim, njofton se merr pjesë në luftime me kurajo, guxim dhe hare : dashuria për lavdi dhe frika nga poshtërimi i çojnë ata në sulmet më të rrezikshme. Jeta është një barrë e dhimbshme për atë që, në përleshje, është detyruar të largohet apo që në momentin e luftimit është fshehur. Përkundrazi, baballarët e bijve, që kanë vdekur për atdheun, nderohen tej mase.”

 

Organizimi në betejë

 

 “Meqë shqiptarët nuk kanë mbret, ata zgjedhin në rast lufte, një nga krerët më të guximshëm për t’i udhëhequr. Pushteti i përkohshëm nuk u mjafton atyre që t’i bëjë të respektuar : për të pasur me vete shokët e tyre, ata duhet të jenë aktivë, bujarë, dhe mbi të gjitha, në krye të përleshjeve. Në betejë, trupat e tyre nuk janë të renditura dhe nuk mbajnë kurrë një pozicion të caktuar.”

 

Gratë shqiptare

 

“Gratë gjithashtu marrin pjesë në luftë: shpesh, ato janë në krye të batalioneve, për të shërbyer si bastion kundër armikut. Na bën kurioz respekti fetar që barbarët kanë për gjininë femërore. Shpesh dhe ende shohim gra që u shkojnë në ndihmë të afërmëve të tyre duke u dërguar ushqim, municione, etj.  Shpesh, nga lotët, lutjet, madje edhe nga qortimet e tyre, i shohim ato të zgjojnë zjarrin e luftëtarëve dhe kështu vendosin fatin e betejave.”

 

Kolonitë shqiptare në mbretërinë e Napolit

 

“Ndonjëherë, shqiptarët vinin me trupa të tëra, duke pasur në krye një shef; më shpesh, ata hidheshin brigjeve tona në numër të vogël dhe pa udhërrëfyes. Të parët u shfaqën në vitin 1461, në kohën kur Skënderbeu u bë nga mbreti Ferdinand pronar i tokave të Shën Pjetrit në Galatinë. Një koloni e dytë shqiptare erdhi në vitin 1467, në kohën kur Skënderbeu vdiq; të tjerët nën papatin e Palit të II-të, i cili mbretëroi nga viti 1464 deri në vitin 1471; të tjerët më në fund rreth vitit 1478, koha kur zotëria i madh (sulltani) u bë sundimtar absolut i Epirit, Maqedonisë dhe Shqipërisë. Këtyre emigrimeve, bashkëngjituni edhe ato që ndodhën gjatë mbretërimit të Charles të V-të. Urrejtja e shqiptarëve ndaj fuqisë osmane dhe nderimi i tyre për sovranët e Napolit, kryesisht ish-zotërinjve të tyre, i bëri ata, në 1532, që t’i japin qytetin e Koronit këtij perandori. Pak kohë më vonë, banorët e tij u pushtuan nga turqit; ata vendosën të iknin. Charles i V-të i mikpriti në tokat e mbretërisë së Napolit dhe i shpërbleu në mënyre masive për besnikërinë e tyre. Koloni të tjera erdhën nën sundimin e Filipit të II-të… Shqiptarët, aktualisht ekzistues në këtë mbretëri, jetojnë në 59 fshatra, të cilët së bashku, përbëjnë një popullsi prej 63.920 individësh.”

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/arbereshi-angelo-masci-ne-journal-de-l-empire-1808-asgje-e-sakte-nuk-eshte-shkruar-deri-tani-per-kombin-shqiptar-dhe-ato-pak-te-thena-jane-si-nje-re-e-dendur-dhe-e-erret-e-cila-fsheh-me-shume-se-kurre-te-verteten/. Në rast të kundërt mos e publiko këtë shkrim.

 

 

Publikuar në :

 

http://www.gazetatema.net/2018/01/09/dossier-asgje-e-sakte-nuk-eshte-shkruar-deri-tani-per-kombin-shqiptar-ato-pak-te-thena-jane-si-re-e-dendur-dhe-e-erret-qe-fsheh-me-shume-se-kurre-te-verteten/

 

http://www.balkanweb.com/site/arbereshi-angelo-masci-asgje-nuk-eshte-shkruar-e-sakte-per-kombin-shqiptar-fshihet-e-verteta/

 

http://illyriapress.com/arbereshi-angelo-masci-ne-journal-de-lempire-1808-asgje-e-sakte-nuk-eshte-shkruar-deri-tani-per-kombin-shqiptar/

 

http://www.americaneye.al/arbereshi-angelo-masci-ne-gazeten-perandorake-franceze-1808-ju-rrefej-kombin-shqiptar-nga-shkodra-deri-ne-arte/

 

https://sot.com.al/aktualitet/arb%C3%ABreshi-angelo-masci-asgj%C3%AB-nuk-%C3%ABsht%C3%AB-shkruar-e-sakt%C3%AB-p%C3%ABr-kombin-shqiptar-fshihet-e

 

http://www.tiranaobserver.al/arbereshi-angelo-masci-ne-gazeten-perandorake-franceze-1808-ju-rrefej-kombin-shqiptar-nga-shkodra-deri-ne-arte/

 

http://www.gazetadita.al/arbereshi-angelo-masci-ne-gazeten-perandorake-franceze-1808-ju-rrefej-kombin-shqiptar-nga-shkodra-deri-ne-arte/

 

https://vloranews.net/arbereshi-angelo-masci-ne-gazeten-perandorake-franceze-1808-ju-rrefej-kombin-shqiptar-nga-shkodra-deri-ne-arte/

 

http://perqasje.com/2018/01/angelo-masci-asgje-e-sakte-nuk-eshte-shkruar-deri-tani-per-kombin-shqiptar/

 

https://www.voal.ch/arbereshi-angelo-masci-ne-journal-de-lempire-1808-asgje-e-sakte-nuk-eshte-shkruar-deri-tani-per-kombin-shqiptar-dhe-ato-pak-te-thena-jane-si-nje-re-e-dendur-dhe-e-erret-e-cila/

 

http://www.botasot.info/historia-lajme/817335/arbereshi-angelo-masci-ne-journal-de-lempire-1808-asgje-e-sakte-nuk-eshte-shkruar-deri-tani-per-kombin-shqiptar/

 

http://www.civitas.al/civitas-plus/dokument-i-rralle-asgje-e-sakte-nuk-eshte-shkruar-per-shqiptaret-e-verteta-po-fshihet

 

http://www.kohajone.com/2018/01/09/gazeta-franceze-viti-1808-asgje-e-sakte-nuk-eshte-shkruar-deri-tani-per-kombin-shqiptar/

 

http://gazetadielli.com/ushtaret-e-aleksandrit-pirros-dhe-skenderbeut-ishin-te-te-njejtit-popull/

 

http://shqiperiaebashkuar.al/2018/01/arbereshi-angelo-masci-ne-journal-de-lempire-1808-asgje-e-sakte-nuk-eshte-shkruar-deri-tani-per-kombin-shqiptar-dhe-ato-pak-te-thena-jane-si-nje-re-e-dendur-dhe-e-erret-e-cila/

 

https://www.360grade.al/me-shume/sqhiperia-alternative/item/117496-asgje-e-sakte-nuk-eshte-thene-deri-tani-per-shqiptaret-e-verteta-eshte-fshehur-gazeta-e-perandorise-franceze-ne-1808-publikon-vepren-e-rralle

 

http://www.kultplus.com/trashegimia/arbereshi-angelo-masci-asgje-e-sakte-nuk-eshte-shkruar-deri-tani-per-kombin-shqiptar/

 

http://infokult.al/arbereshi-angelo-masci-ne-gazeten-perandorake-franceze-1808-ju-rrefej-kombin-shqiptar-nga-shkodra-deri-ne-arte/

 

http://www.njekomb.com/?p=66877

 

http://www.syri.net/arte-media/124853/shqiptari-i-gezuar-kercen-ecen-me-shpate-bujar-por-neglizhon-te-vere-pasuri/

 

http://www.nacionalalbania.al/2018/01/arbereshi-angelo-masci-asgje-e-sakte-nuk-eshte-shkruar-deri-tani-per-kombin-shqiptar/25/

 

http://www.pasqyre.al/te-gjitha/journal-de-lempire-1808-shtrirja-e-kombit-shqiptar-nga-shkodra-deri-ne-arte/

 

http://alb-spirit.com/2018/01/10/arbereshi-angelo-masci-asgje-e-sakte-nuk-eshte-shkruar-deri-tani-per-kombin-shqiptar/

 

http://www.pamfleti.com/asgje-e-sakte-nuk-eshte-shkruar-deri-tani-per-kombin-shqiptar-ato-pak-te-thena-jane-si-re-e-dendur-dhe-e-erret-qe-fsheh-shume-se-kurre-te-verteten