Ali Pashë Tepelena konsullit francez : Nëna Hanko, frymëzuesja ime


Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Nga Aurenc Bebja*, Francë – 29 Janar 2017

 

Në librin e Alphonse De Beauchamp, me titullin « Jeta e Ali Pashës » – botuar në korrik të 1822 në Paris – gjejmë një përshkrim për nënën e Ali Pashë Tepelenës, Hankon, një grua e zgjuar dhe e guximshme, e cila pas vdekjes së burrit të saj, Veliut, u kujdes me devotshmëri për djalin e saj. Pikërisht, për këtë arsye, në faqen 32 të veprës, Pashai i ka rrëfyer konsullit francez, François Pouqueville, të gjithë admirimin që kishte për nënën e tij.

 

Përshkrimi i Hankos nga De Beauchamp :

 

« Aliu, ende shumë i ri për të mbrojtur ato prona të pakta të babait, të cilat armiqtë e tij nuk ia kishin marrë akoma, do t’i kishte humbur të gjitha në qoftë se nëna e tij nuk do të merrte nën kontroll administrimin e tyre.

 

Deri në atë moment Hanko, vajza e Beut të Konicës dhe e veja e Veli – Beut, dukej një grua e zakonshme. Pak kohë pas vdekjes së Veli – Beut, ajo vuri në dukje aftësinë e saj të madhe dhe forcën e saj shpirtërore të jashtëzakonshme ; por me një karakter të fortë, me disa ngjashmëri me Olimpian, nënën e Aleksandrit, e lindur si ajo në Epir.

 

Duke mos pasur qëllim tjetër përveçse sigurimin e trashëgimisë së burrit të saj për të birin, Aliun, të cilin e donte shumë, ajo, me kujdesin dhe të gjitha përpjekjet, mori në dorë fatin e familjes (shtëpisë).

 

Aliu ishte asokohe 14 vjeç. Shpirti i tij i turbullt dhe gjallëria e skajshme u shfaqën herët tek ai. Babai (Veliu) nuk arriti të përqëndronte vëmendjen e tij për të studiuar ; Aliu largohej prej të atit dhe kujdestarit të tij, ikte nga shtëpia fshehurazi dhe shkonte e vraponte nëpër male, duke u endur mes borës dhe pyjeve. Pas vdekjes së babait, duke u mbështetur tërësisht tek nëna  e tij e dashur, ai iu nënshtrua vullnetit të saj, mësoi të lexonte, dukej më i qetë, dhe ndoqi vetëm këshillat e Hankos. »

 

 

Rrëfimi i Ali Pashë Tepelenës me konsullin francez François Pouqueville :

 

« I detyrohem për gjithçka nënës time, sepse babai pas vdekjes me patë lënë vetëm një strehë dhe disa fusha (ara). Imagjinata ime, frymëzuar prej këshillave të asaj që më dha jetën dy herë, për faktin se ajo më bëri burrë dhe vizir, më tregoi sekretin (rrugën) e fatit tim (të ardhmes). Që nga ai moment, nuk shihja më në Tepelenë vetëm se vendlindjen nga e cila përgatitesha për të sulmuar gjahun që kisha në mendje. Ëndërroja vetëm për pushtet, thesare, pallate, ku me kohën i kam realizuar dhe do të vazhdoj ; sepse pika ku ndodhem, nuk është fundi i shpresave (ëndrrave) të mia. »

 

 

Këshilla e Hankos :

 

Faktikisht, Hanko, duke e rritur Aliun që të jetë mbështetësi dhe trashëgimtari i pasurisë së saj, i mbante atij maksima, të cilat në një farë mynyre ishte i detyruar t’i ndiqte :

« Biri im, ai që nuk mbron pasurinë e tij, e meriton që t’ia rrëmbejnë. Kujtohu se pasuria e të tjerëve u përket atyre vetëm se janë të fortë (të aftë) ; në qoftë se ti fiton mbi ta, atëherë pasuria do të përkasë ty. »

 

 

 

* Çdo gazetë online apo print, çdo portal që merr këtë shkrim duhet të citojë burimin e  informacionit si në vijim – Aurenc Bebja, Blogu © Dars (Klos), Mat – Albania : https://www.darsiani.com/la-gazette/ali-pashe-tepelena-konsullit-francez-nena-hanko-frymezuesja-ime/

 

 

Publikuar në :

 

Dielli :

http://gazetadielli.com/ali-pashe-tepelena-konsullit-francez-nena-hanko-frymezuesja-ime/

 

VOAL :

https://www.voal.ch/ali-pashe-tepelena-konsullit-francez-nena-hanko-frymezuesja-ime-nga-aurenc-bebja-france-29-janar-2017/

 

Tirana Observer :

http://www.tiranaobserver.al/news-item/rrefimi-i-ali-pashes-te-konsulli-francez-nena-hanko-frymezuesja-ime/

 

Opinion.al :

http://opinion.al/ali-pashe-tepelena-konsullit-francez-nena-hanko-frymezuesja-ime/

 

Manastiri Lajm :

http://manastirilajm.com/ali-pashe-tepelena-konsullit-francez-nena-hanko-frymezuesja-ime/

 

Bota Sot :

http://www.botasot.info/historia-lajme/647197/ali-pashe-tepelena-konsullit-francez-nena-hanko-frymezuesja-ime/

 

360°.al :

http://www.360grade.al/me-shume/opinion/item/48150-ali-pashe-tepelena-konsullit-francez-nena-hanko-frymezuesja-ime

 

Koha Jonë :

http://www.kohajone.com/2017/01/30/ali-pashe-tepelena-konsullit-francez-nena-hanko-frymezuesja-ime/

 

Dritare.net :

http://www.dritare.net/2017/01/29/ali-pashe-tepelena-konsullit-francez-nena-hanko-frymezuesja-ime/1

 

Dita :

http://www.gazetadita.al/rrefimi-i-ali-pashes-te-konsulli-francez-nena-hanko-frymezuesja-ime/

 

Gazeta Shqip :

http://gazeta-shqip.com/lajme/2017/01/31/ali-pashe-tepelena-konsullit-francez-nena-hanko-frymezuesja-ime/

 

Syri.net :

http://www.syri.net/lajme/35822/ali-pashe-tepelena-konsullit-francez-nena-hanko-frymezuesja-ime/

 

Njëkomb.com :

http://www.njekomb.com/?p=4834

 

Maqedonia Shqiptare :

https://maqedoniashqiptare.com/2017/01/ali-pashe-tepelena-konsullit-francez-nena-hanko-frymezuesja-ime/

 

InfoPress :

http://gazetainfopress.com/historia_arkeologji/ali-pashe-tepelena-konsullit-francez-nena-hanko-frymezuesja-ime

 

Shqiptari.eu :

http://www.shqiptari.eu/kush-e-frymezonte-ali-pashen-ja-cfare-i-tha-ai-konsullit-francez/

 

Gazeta Express :

http://www.gazetaexpress.com/lajme-nga-shqiperia/kush-ishte-personi-qe-e-frymezonte-ali-pashen-315383/