Élisée Reclus (1876) : “Shqiptarët dallohen nga hollësia e mendjes, qartësia e mendimit dhe forca e karakterit.”


Élisée Reclus, gjeograf francez (1830 – 1905)
Élisée Reclus, gjeograf francez (1830 – 1905)

Nga Aurenc Bebja*, Francë – 19 Gusht 2020

 

faqen n°354  librit “La Corse et les Corses, Opinions et Documents” të Charles de Susini, botuar në Paris në vitin 1906, gjejmë një shënim, poshtë shkrimit me titull “Corses et Albanais” të  Miculu Georgiade Obedenaru, të gjeografit francez Élisée Reclus për shqiptarët, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Élisée Reclus (në Europe méridionale, fq. 185-193, bëhet fjalë për librin e tij “Nouvelle Géographie Universelle, La Terre et Les Hommes, L’Europe méridionale, 1876.”), duke folur për tregtinë dhe industrinë e Shqipërisë, duket se pajtohet me z. Obédénare-n, për analogjinë që ekziston midis karaktereve korsikane dhe shqiptare :

 

Nuk ekziston një popull modern, thotë Élisée Reclus, ku të dhënat ushtarake ofrojnë aq shumë shembuj mahnitës të trimërisë sesa ato të shqiptarëve. Në shekullin e XV-të, ata kishin Skënderbeun e tyre, Aleksandrin e Madh të tyre, i cili sigurisht nuk kishte për lavdinë e tij një teatër aq të gjerë sa maqedonasi, por që nuk ishte inferior ndaj tij përsa i përket gjenisë...

 

Dhe asnjë popull nuk e tejkaloi kurrë guximin këtyre malësorëve suljotë ku, në mijëra, nuk u gjet një plak, grua, fëmijë, t’u kërkonte mëshirë kasapëve të dërguar nga Ali Pasha ? Heroizmi i këtyre grave suljote që u vinin zjarrin arkave të fishekëve, hidheshin nga majat e shkëmbinjve, ose në shkulmin e lumenjve duke u mbajtur dorë më dorë dhe duke kënduar këngën e tyre të vdekjes, do të mbetet gjithmonë një nga çuditë e Historisë…

 

Por, në mesin e shumë fiseve shqiptare, kjo trimëri është ende e përzier me egërsinë e madhe. Jeta e njeriut ka fare pak vlerë (qëndron në fije të perit) midis këtyre popullatave luftarake; dhe gjaku sapo të derdhet kërkon gjak, viktimat marrin hak përmes viktimave të tjera... Gruaja konsiderohet si një qenie plotësisht inferiore, pa të drejta dhe pa dëshira.

 

Një numër i madh shqiptarësh të pasuruar kthehen për të kaluar ditët e fundit të tyre në atdhe, duke ndërtuar atje shtëpi të bukura, për të cilat çuditemi t’i hasim në mes të këtyre shkëmbinjve të ashpër të Epirit. Në disa zona të thella, shtëpitë e pasura zëvendësojnë kështjellat e vjetra feudale, disa lloje kullash të ndërtuara në mënyrë të thjeshtë, dhe pas anjë çelje në katet e poshtme vetëm disa frëngji nga ku xixëllonin të shtënat e pushkëve.

 

Kështu, shqiptarët po shkojnë vetë drejt një vale të përgjithshme përparimi, dhe kur ata do të kenë hyrë në marrëdhënie të ngushta me popujt e tjerë, me të drejtë mund të shpresojmë se do të luajnë një rol të rëndësishëm, sepse ata përgjithësisht dallohen nga hollësia e mendjes, qartësia e mendimit dhe forca e karakterit.

 

Malësorët e Shqipërisë, në krahasim me boshnjakët dhe malazezët, kanë avantazhin të kenë një zonë (vijë) bregdetare; por ata nuk përfitojnë aspak nga ajo, jo vetëm për shkak të plaçkitjeve, përçarjeve të tyre të brendshme dhe mungesës së industrisë së tyre, por edhe për shkak të pengesave që u paraqesin malet e tyre (relievit), mungesa e urave dhe rrugëve...

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/. Në rast të kundërt mos e publiko. 

 

Shkrimi në shqip i Miculu Georgiade Obedenaru me titull “Corses et Albanais Korsikanët dhe shqiptarët” : https://www.darsiani.com/la-gazette/shkrimi-i-1877-a-kane-te-njejten-origjine-korsikanet-dhe-shqiptaret/

 

 

Publikuar në :

 

http://illyriapress.com/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://www.kultplus.com/libri/elisee-reclus-me-1876-shqiptaret-dallohen-nga-hollesite-e-mendjes-qartesia-e-mendimit-dhe-forca-e-karakterit/

 

https://fjala.al/2020/08/19/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://www.balkanweb.com/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

http://www.gazetatema.net/2020/08/19/elisee-reclus-me-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://tradita.org/2020/08/19/shqiptaret-dallohen-nga-hollesite-e-mendjes-qartesia-e-mendimit-dhe-forca-e-karakterit/

 

https://tirananews.al/cfare-thoshte-gjeografi-francez-per-shqiptaret-ne-1876-dallohen-nga/

 

https://opinion.al/gjeografi-francez-shqiptaret-dallohen-nga-hollesia-e-mendjes-dhe/

 

https://alb-spirit.com/2020/08/19/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://njekomb.org/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://konica.al/2020/08/nga-dallohen-shqiptaret-kane-3-tipare-themelore/

 

https://www.koha.net/kulture/233881/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://www.botasot.info/historia-lajme/1357302/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://dosja.al/elisee-reclus-1876-shqiptaret-dallohen-nga-hollesia-e-mendjes-qartesia-e-medinit-dhe-forca-e-karakterit/

 

https://lexo.com.al/2020/08/19/shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://bujanoci.net/elisee-reclus-me-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

http://www.arsalbanica.mk/elisee-reclus-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit/

 

https://bulevardionline.com/2020/08/19/elisee-reclus-me-1876-shqiptaret-dallohen-nga-hollesite-e-mendjes-qartesia-e-mendimit-dhe-forca-e-karakterit/

 

https://www.zgjohushqiptar.info/2020/08/elisee-reclus-me-1876-shqiptaret-dallohen-nga-hollesia-e-mendjes-qartesia-e-mendimit-dhe-forca-e-karakterit.html

 

Gazeta "Fjala", e mërkurë, 19 gusht 2020, f.15
Gazeta "Fjala", e mërkurë, 19 gusht 2020, f.15