The Washington Post (1939) / Gjella e preferuar e Faik Konicës dhe receta e saj

Nga Aurenc Bebja*, Francë – 23 Tetor 2023

“The Washington Post” ka botuar, të enjten e 10 gushtit 1939, në faqen n°12, një shkrim rreth gjellës së preferuar të Faik Konicës dhe recetës së saj, të cilin, Aurenc Bebja, nëpërmjet blogut të tij “Dars (Klos), Mat – Albania”, e ka sjellë për publikun shqiptar :

Unë do të zgjedh : Mëlçitë e pulës me oriz thotë Faik Konica

Ushqimet e preferuara të meshkujve të Uashingtonit prezantohen çdo ditë në këtë rubrikë.

Nga Martha Ellyn, Redaktore e The Post Food

Faik Konica, “ish i dërguari i Shqipërisë”, është një anëtar i kultivuar i trupit diplomatik të Uashingtonit. Duke pasur tashmë një “kapelë të lartë” në njohje të sensit të tij të mrekullueshëm të humorit, besoj se ai meriton njohjen si artist në rangun e tij. Nëse ai përgatit një kafe orientale, e cila duhet të bluhet me kujdes për t’u zier në këtë xhezve “të posaçme” bakri, nëse gatuan kërpudha apo përgatit një ëmbëlsirë (kek), kjo bëhet në mënyrë të veçantë.

Z. Konica më dha recetën e pjatës së tij të preferuar : oriz të egër me mëlçi pule. Orizi i egër ishte aq i rëndësishëm për Chippewas dhe Sioux të kombit tonë, saqë ata bënë beteja të panumërta mbi fushat e orizit. Orizi i egër është gjithashtu i rëndësishëm në përgatitjen e pjatës mbretërore që preferon zoti Konica, sepse ka një afinitet të përsosur (shoqërohet) me gjahun.

Kjo recetë nga Z. Konica është një pjatë triumfuese e përshtatshme veçanërisht për një darkë bufe. Megjithatë, ai thotë se e shijon me një gotë sheri (sherry).

Oriz i egër me mëlçi pule.

Lani mirë 6 mëlçitë e pulës. I përzieni me kripë, piper dhe paprika. Shtoni majdanoz të grirë imët dhe një copë gjalpë. Zieni një gjysëm filxhan oriz të egër për 10 minuta. Kullojeni tërësisht. Përzieni orizin me mëlçitë e ziera dhe shtoni 1 lugë sheri (sherry). Lidheni përzierjen në letër patapar të lagur. Zhyteni në ujë të vluar dhe lëreni të ziejë për 30 minuta.

* Çdo gazetë online apo print, çdo portal që merr këtë shkrim duhet të citojë autorin në fillim (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/the-washington-post-1939-gjella-e-preferuar-e-faik-konices-dhe-receta-e-saj/. Në rast të kundërt mos e publiko.

Publikuar në :

https://americaneye.al/nje-shkrim-interesant-i-washington-post-per-gjellen-e-preferuar-te-faik-konices-dhe-receten-e-saj/

https://drini.us/the-washington-post-1939-gjella-e-preferuar-e-faik-konices-dhe-receta-e-saj/

https://ampress.ca/the-washington-post-1939-gatimet-dhe-recetat-e-preferuara-te-faik-konices/

https://alb-spirit.com/2023/10/23/gjella-e-preferuar-e-faik-konices/

https://www.voal.ch/the-washington-post-1939-gjella-e-preferuar-e-faik-konices-dhe-receta-e-saj/multimedia/dossier/