Le Temps (1914) : Shkodra kërkon të bëhet kryeqytet ! Telegrami i shkodranëve drejtuar Princ Vidit.


Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Nga Aurenc Bebja*, Francë – 2 Gusht 2017

 

Gazeta franceze, « Le Temps », ka botuar, të dielën e 8 marsit 1914, në faqen n° 2, telegramin e shkodranëve drejtuar Princ Vidit me qëllim që qyteti i tyre (djep i historisë, kulturës dhe traditës shqiptare) të bëhej kryeqendra e Shqipërisë.

 

Çfarë përmban më konkretisht ky telegram ? Si e kanë justifikuar këtë kërkesë shkodranët ? Kush e ka firmosur ?

 

Në vijim do të gjeni dokumentin e plotë, të sjellë në shqip nga Aurenc Bebja, Blogu « Dars (Klos), Mat – Albania » :

 

« Ne kemi marrë nga Shkodra telegramin më poshtë :

 

Sot, të bashkuar në mënyrë spontane në qytetin tonë prej 30 000 banorësh të Shkodrës, të zonave dhe maleve përreth dhe duke pasur parasysh vetëm interesin dhe të mirën e kombit dhe të shtetit shqiptar, zhvilluam një takim për të kërkuar që Shkodra të bëhet kryeqytet i Shqipërisë. Pasi dëgjuam fjalimet e oratorëve të ndryshëm, ne kemi vendosur njohjen e plotë të Princ Vidit si mbret të Shqipërisë, i cili sapo është zgjedhur nga Evropa dhe kurorëzuar mbret nga populli shqiptar.

 

Ne i urojmë mirëseardhjen mbretit tonë në tokën shqiptare, i ofrojmë atij shërbimet e shqiptarëve besnikë dhe të virtytshëm, i betohemi për nënshtrim, bindje dhe besnikëri.

 

Në emër të banorëve të Shkodrës, të zonave malore të Malsisë, Mirditës, Dukagjinit, të një pjese të Kosovës, të zonave përreth Shkodrës e deri në dalje të detit, që përbëjnë pjesën më të rëndësishme të Shqipërisë, kërkojmë që Shkodra të bëhet kryeqytet i shtetit tonë për arsyet në vijim :

 

Qyteti, i famshëm dhe historik kujtimesh dhe luftëtarësh të vjetër shqiptarë, është më i forti, më i madhi, më i bukuri dhe më i shëndetshmi nga të gjitha qytetet e Shqipërisë aktuale. Shkodra është qyteti i vetëm në Shqipëri që ka ndërtesat më të nevojshme për sovranin, për zyrat e shtetit, për ushtrinë kombëtare, për ministrat dhe konsujt e huaj, për ministritë e qeverisë, etj. Në mënyrë spontane, ajo vë këto ndërtesa në dispozicionin e shtetit, pa qenë nevoja që ky i fundit të shpenzojë miliona për ndërtimin e godinave të cilat janë të domosdoshme.

 

Shkodra, me të cilën janë të lidhura të gjitha malet e Shqipërisë luftëtare, është strategjikisht qyteti më i madh i Shqipërisë, rrethimi i fundit i saj e ka dëshmuar si qytetin më të famshëm në botë për forcën dhe rezistencën luftarake, sepse ajo rezistoi më shumë se çdo qytet tjetër dhe nuk ra me forcën e armëve në duart e armikut.

 

Shkodra, kryeqytet i Shqipërisë, e fortifikuar ashtu siç duhet, ushtarakisht dhe strategjikisht, do të jetë, me liqenin, lumenjtë dhe kodrat që e rrethojnë, aq e fortë sa asnjë ushtri e madhe nuk do të mund ta pushtojë, qoftë edhe pas shtatë vjetësh rrethim, ashtu si nuk mundën ta merrnin, pas shtatë muajsh, ushtritë e dy vendeve ballkanike.

 

E gjithë Shqipëria është sot dhe do të jetë gjithmonë katër herë më e lehtë për t’u pushtuar, nga kushdo, se qyteti i Shkodrës, i mbështetur dhe i përkrahur nga besnikëria e të gjithë shqiptarëve.

 

Shkodra, nëse nuk bëhet kryeqytet, do të jetë në rrezik për t’u shkëputur nga atdheu. Me qytetin e Shkodrës, do të shkëputen të gjitha zonat përreth, të cilat me të formojnë pjesën kryesore të Shqipërisë.

 

Natyrisht, ndarja dhe shkatërrimi i të gjithë atdheut tonë është në dyshim. Kryesisht, për këtë arsye, Shkodra dhe banorët e saj të bashkuar u bëjnë thirrje qyteteve të Elbasanit, Korçës, Gjirokastrës, të gjithave krahinave shqiptare dhe të gjithë shqiptarëve që e duan atdheun e tyre që të jenë mbështetës të kësaj kërkese.

 

Prandaj, ajo i lutet Madhërisë së Tij Mbretit të shqiptarëve dhe të kombit shqiptar që të marrë parasysh në mënyrë favorshme këtë kërkesë.

 

Rroftë mbreti i shqiptarëve ! Rroftë Shqipëria e pavarur ! Rroftë Shkodra kryeqytet !

 

Ky telegram është nënshkruar (firmosur) nga komiteti organizues, i cili përfshin Kryepeshkopin, Kryetarin e Komunës dhe parësinë e Shkodrës. »

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-temps-1914-shkodra-kerkon-te-behet-kryeqytet-telegrami-i-shkodraneve-drejtuar-princ-vidit/. Në rast të kundërt mos e publiko këtë shkrim.

 

 

Publikuar në :

 

Dielli :

http://gazetadielli.com/le-temps-1914-shkodra-kerkon-te-behet-kryeqytet/

 

American Eye :

http://www.americaneye.al/le-temps-1914-telegrami-drejtuar-princ-vidit-pse-shkodra-duhet-bere-kryeqytet-shqiperise/

 

Tirana Observer :

http://www.tiranaobserver.al/le-temps-1914-telegrami-drejtuar-princ-vidit-pse-shkodra-duhet-bere-kryeqytet-i-shqiperise/

 

Dita :

http://www.gazetadita.al/le-temps-1914-telegrami-drejtuar-princ-vidit-pse-shkodra-duhet-bere-kryeqytet-i-shqiperise/?utm_source=feedburner&utm_medium=twitter&utm_campaign=Feed%3A+GazetaDita+%28GAZETA+DITA%29

 

Opinion.al :

http://opinion.al/le-temps-1914-shkodranet-telegram-princ-vidit-shkodra-kryeqytet/

 

VOAL :

https://www.voal.ch/le-temps-1914-shkodra-kerkon-te-behet-kryeqytet-telegrami-shkodraneve-drejtuar-princ-vidit-nga-aurenc-bebja-france-2-gusht-2017/

 

Shekulli.com.al :

http://www.shekulli.com.al/cfare-shkruante-le-temps-ne-vitin-1914-shkodra-kerkon-te-behet-kryeqytet-kerkesa-e-qytetareve-shkodrane/

 

Dritare.net :

http://www.dritare.net/2017/08/03/kur-shkodra-kerkonte-te-behej-kryeqytet-ja-cfare-i-shkruanin-shkodranet-princ-vidit/1

 

Syri.net :

http://www.syri.net/mistere/84063/le-temps-1914-telegrami-drejtuar-princ-vidit-pse-shkodra-duhet-bere-kryeqytet-i-shqiperise/

 

Bota Sot :

http://www.botasot.info/historia-lajme/739819/le-temps-1914-shkodra-kerkon-te-behet-kryeqytet-telegrami-i-shkodraneve-drejtuar-princ-vidit/

 

Rrokum.Tv :

http://www.rrokum.tv/opinion/le-temps-1914-shkodranet-telegram-princ-wiedit-shkodra-me-u-ba-kryeqytet/

 

360°.al :

http://www.360grade.al/me-shume/sqhiperia-alternative/item/88335-le-temps-1914-shkodra-kerkon-te-behet-kryeqytet-telegrami-i-shkodraneve-drejtuar-princ-vidit

 

Telegrafi :

http://telegrafi.com/le-temps-1914-telegrami-drejtuar-princ-vidit-pse-shkodra-duhet-bere-kryeqytet-shqiperise/

 

Almakos :

http://www.almakos.com/le-temps-1914-telegrami-drejtuar-princ-vidit-pse-shkodra-duhet-bere-kryeqytet-i-shqiperise

 

Maqedonia Shqiptare :

https://maqedoniashqiptare.com/2017/08/le-temps-1914-shkodra-kerkon-te-behet-kryeqytet-telegrami-i-shkodraneve-drejtuar-princ-vidit/

 

Nacional Albania :

http://www.nacionalalbania.al/2017/08/le-temps-1914-shkodranet-telegram-princ-vidit-shkodra-kryeqytet/25/

 

MekuliPress :

http://www.mekulipress.info/2017/08/03/le-temps-1914-telegrami-drejtuar-princ-vidit-pse-shkodra-duhet-bere-kryeqytet-i-shqiperise/

 

Zani Malsisë :

http://zanimalsise.com/le-temps-1914-telegrami-drejtuar-princ-vidit-pse-shkodra-duhet-bere-kryeqytet-i-shqiperise/

 

InfoSot :

http://infosot.com/le-temps-1914-pse-shkodra-duhet-bere-kryeqytet-shqiperise/

 

Njëkomb.com :

http://www.njekomb.com/?p=22327

 

RadioKontakt.al :

http://radiokontakt.al/le-temps-1914-telegrami-drejtuar-princ-vidit-pse-shkodra-duhet-bere-kryeqytet-shqiperise/

 

Gjilani Info :

http://gjilani.info/?p=60470

 

Albspirit :

http://alb-spirit.com/2017/08/03/le-temps-1914-telegrami-drejtuar-princ-vidit-pse-shkodra-duhet-bere-kryeqytet-shqiperise/