Le Petit Marseillais (1916) / Esat Pasha : “Dëshiroj të kthehem në Shqipëri si një turist i thjeshtë…”


Esat Pashë Toptani
Esat Pashë Toptani

Nga Aurenc Bebja*, Francë – 9 Janar 2020

 

“Le Petit Marseillais” ka botuar, të mërkurën e 1 marsit 1916, në faqen n°2, intervistën e Esat Pashë Toptanit në lidhje me ndërhyrjen austriake në Shqipëri dhe dëshirën e tij për t’u kthyer në atdhe, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Shqipëri

Esat Pasha ka Besim

 

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Paris, 29 shkurt.

 

Esat Pasha, i intervistuar nga një prej kolegëve tanë, ka folur gjerësisht për situatën në Shqipëri :

 

Unë e shikoj të ardhmen me besim, tha ai, dhe besoj se pushtimi i përkohshëm dhe i pjesshëm i Shqipërisë nga austriakët do të çojë në një kolaps të madh për ta.

 

Në të vërtetë, ushtritë austriake veprojnë në një vend i cili nuk ofron burime natyrore dhe ku një mijë pengesa të paparashikuara mund të pengojnë operacionet e tyre. Nga ana tjetër, ato janë nën kërcënimin e përhershëm të ushtrisë së fuqishme italo-shqiptare që mund të dalë në kohën e duhur nga baza e Vlorës, me qëllim sulmin dhe ndaljen e trupave të gjeneralit Koevess.

 

Së shpejti do të shihni që do të ketë pakënaqësi të fortë në Shqipëri kundër austriakëve. Shumë nga bashkëqytetarët e mi që kanë dalë në krah të Austrisë do të pendohen pasi do të jenë nën sundimin e saj.

 

Italia kurrë nuk ka pasur ndonjë prirje për të pushtuar Shqipërinë; por unë doja të mbroja pavarësinë e Shqipërisë duke mbrojtur interesat e saj në të njëjtën kohë, duke mos lejuar që Austria të merrte nën kontroll Adriatikun. Nëse Austria ka qenë në gjendje të sigurojë përkohësisht mbështetjen e disa fiseve, kjo është për shkak se puna e saj e depërtimit daton prej shumë kohësh.

 

Dëshira ime është që të kthehem në Shqipëri me ndihmën dhe mbështetjen e qeverisë italiane për të mbrojtur territorin kombëtar. Sidoqoftë, për momentin, nuk kam objektiva ushtarake për të ndjekur dhe do të udhëtoj në Shqipëri si një ‘turist i thjeshtë’.

 

Kjo fjalë e fundit u nënvizua me një buzëqeshje të hollë.

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-petit-marseillais-1916-esat-pasha-deshiroj-te-kthehem-ne-shqiperi-si-nje-turist-i-thjeshte/. Në rast të kundërt mos e publiko.

 

 

Publikuar në :

 

https://americaneye.al/esat-pashe-toptani-deshiroj-te-kthehem-ne-shqiperi-si-nje-turist/

 

https://opinion.al/1916-esat-pasha-deshiroj-te-kthehem-ne-shqiperi-si-nje-turist-i-thjeshte/

 

https://dosja.al/esat-pasha/

 

https://njekomb.org/le-petit-marseillais-1916-esat-pasha-deshiroj-te-kthehem-ne-shqiperi-si-nje-turist-i-thjeshte/

 

http://www.standard.al/2020/01/09/deshiroj-te-kthehem-ne-shqiperi-si-nje-turist-i-thjeshte-cfare-tha-esat-pasha-per-gazeten-franceze-ne-1916/

 

https://www.balkanweb.com/deshiroj-te-kthehem-ne-shqiperi-si-nje-turist-i-thjeshte-cfare-tha-esat-pasha-per-gazeten-franceze-ne-1916/

 

https://shqiptarja.com/lajm/esat-pasha-ne-1916-deshiroj-te-kthehem-ne-shqiperi-si-nje-turist-i-thjeshte

 

https://www.botasot.info/historia-lajme/1214391/le-petit-marseillais-1916-esat-pasha-deshiroj-te-kthehem-ne-shqiperi-si-nje-turist-i-thjeshte-hellip/

 

https://360grade.al/324512/deshiroj-te-kthehem-ne-shqiperi-si-nje-turist-i-thjeshte-cfare-tha-esat-pasha-per-gazeten-franceze-ne-1916/

 

https://vloranews.al/kulture/le-petit-marseillais-1916-esat-pasha-deshiroj-te-kthehem-ne-shqiperi-si-nje-turist-i-thjeshte/

 

https://www.voal.ch/le-petit-marseillais-1916-esat-pasha-deshiroj-te-kthehem-ne-shqiperi-si-nje-turist-thjeshte/