Letër e hapur drejtuar kryetarit të Bashkisë Klos për të riemëruar bashkinë !


Emrije Krosi
Emrije Krosi

I drejtohem kryetarit aktual të Bashkisë Klos, Mat, z  Ilmi Hoxha dhe gjithë krytarëve të mëparshëm të kësaj bashkie, që në bazë të Kushtetutës së Republikës së Shqipërisë, dhe LIGJ-it Nr. 139/2015, "Për pushtetin vendor" të shohin mundësinë  për të ndryshuar emrin e Bashkisë Klos, dhe një riemrim ne bazë të historisë së lashtë të kësaj treve,vendbanimi i vjetër Petralba.

 

Dikur pleqtë e quanin Kryemate,  jo Stragji apo Klosi (emra me origjinë sllave).

 

Ftoj të gjithë intelektualët, historianët, gjeografët, gjuhëtarët, emigrantët e Kryemates dhe Matit kudo që janë, të firmosim një peticion  dhe t'ia adresojmë Këshillit Bashkiak, ashtu siç bëri Bashkia e Urës Vajgurore.

 

Petralba, është emri Iliro-Dardan i kësaj treve. Është në nderin e kësaj krahine, që të vlerësojë traditën etno-kulturore në respekt me të kaluarën e saj. Emrin Klos, ta mbajë qyteza me emrin e deritashëm.  Uroj që kësaj nisme t’i bashkohen edhe intelektualë të tjerë, pasi edhe historiani Flamur Bala, është i këtij mendimi.

 

Me respekt,

Emrije Krosi

Tiranë, 17. 07. 2020