Corriere d’Italia (1913) / Intervista me Isa Boletinin : “Nëse Shkodra dhe Janina do t’u jepeshin aleatëve, unë do të ndieja të njëjtën dhimbje që do të ndienin italianët nëse Roma do të dorëzohej!”


Isa Boletini
Isa Boletini

Nga Aurenc Bebja*, Francë – 12 Korrik 2021

 

“La Stampa” ka botuar, të premten e 4 prillit 1913, në faqen n°2, intervistën e Isa Boletinit me gazetën “Corriere d’Italia”, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Shpresat dhe shqetësimet e Isa Boletinit

 

Burimi : La Stampa, e premte, 4 prill 1913, f.2
Burimi : La Stampa, e premte, 4 prill 1913, f.2

Romë, 3 prill.

 

“Corriere d’Italia” i kërkoi Isa Boletinit, liderit të njohur shqiptar i cili është aktualisht në Romë, përshtypjen e tij për Shkodrën dhe Janinën në rast se ato u atribuoheshin (jepeshin) përfundimisht aleatëve.

 

Nëse Shkodra dhe Janina do t’u jepeshin aleatëve, u përgjigj Boletini, unë do të ndieja të njëjtën dhimbje që do të ndienin italianët nëse Roma do të dorëzohej! Nëse do të kisha mjaft njerëz dhe armë, nuk do të ngurroja asnjë moment të vrapoja mbi Bunë, për të rrëmbyer me armë qytetin nga pushtuesit. Më dhemb zemra kur mendoj për qytetin e Shkupit, Manastirit, Kosovës, të dhëna serbëve, sepse ne i kemi ruajtur të gjitha këto territore dhe qytete duke derdhur shumë gjak, duke i mbrojtur nga veprat penale të xhonturqve.

 

Thuhet se i gjithë vilajeti i Kosovës u është dorëzuar serbo-malazezëve, por ju e dini që unë refuzoj ta besoj këtë zë! Unë gjithmonë kam pasur një besim të madh në drejtësinë e Evropës së civilizuar dhe nuk mund të mendoj se Evropa ka lejuar një luftë për pohimin e parimit të kombësisë, dhe më pas duhet të pranoj një epilog që vjen për të asgjësuar kombësinë tonë, që përmes shumë ngjarjeve kemi mundur ta pohojmë dhe mirëmbajmë. Pastaj është çështja e fesë : katolikët dhe myslimanët janë të bashkuar për të luftuar për të njëjtin parim. Organizimi i Shqipërisë së sotme na privon nga e drejta jonë e shenjtë dhe na largon nga përfitimi i paqes. Për këtë do të kishim preferuar zgjedhën turke, e cila, në mos asgjë tjetër, na ka lejuar të vazhdojmë me një farë lirie.

 

— Për çfarë qëllimi keni ardhur edhe ju në Itali?

 

Megjithëse e di që personi im nuk ka një rëndësi të domosdoshme në shkallë politike, megjithatë unë kam ardhur këtu dhe do të shkoj në kryeqytetet evropiane së bashku me Ismail Qemal Beun për t’i dëshmuar Evropës protestën time më të lartë për vendimin e saj, dhe për të dhënë një shembull konkret të së keqes që është bërë, duke lënë edhe një milion e gjysmë shqiptarë në duar të huaja.

 

Shqiptarët nuk janë të sllavizuar, as nuk janë të sllavizueshëm. Kam ardhur të bërtas në Evropë se asnjë shqiptar nuk do të njohë ndarjen e Shqipërisë në paqe. Unë erdha të deklaroj se, nëse kjo ndarje është përfundimtare, unë dhe vëllezërit e mi do të marrim armët për të mbrojtur integritetin e vendit tonë dhe do të jetë një luftë e ashpër, e paepur, në të cilën të gjitha armët do të jenë të mira. E drejta e pushtimit është një titull i së vërtetës së dyshimtë. Unë vetë, i cili për pesë vjet isha zot i vilajetit të Kosovës dhe gjatë kryengritjes së fundit bëra një hyrje triumfale në Shkup dhe shkaktova dorëzimin e xhonturqve, unë mund të deklarohesha princ i atij vilajeti. Ne do të duhet të shohim se si do të zgjidhen gjërat dhe pastaj të marrim një vendim...

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/corriere-d-italia-1913-intervista-me-isa-boletinin-nese-shkodra-dhe-janina-do-t-u-jepeshin-aleateve-une-do-te-ndieja-te-njejten-dhimbje-qe-do-te-ndienin-italianet-nese-roma-do-te-dorezohej/. Në rast të kundërt mos e publiko.

 

 

Publikuar në :

 

https://americaneye.al/isa-boletini-per-corriere-ditalia-shkodra-dhe-janina-dhe-roma/

 

https://gazetamapo.al/histori-isa-boletini-shqiperia-pa-shkodren-e-janinen-si-italia-pa-romen/

 

http://www.illyria.com/corriere-ditalia-1913-intervista-me-isa-boletinin-nese-shkodra-dhe-janina-do-tu-jepeshin-aleateve-une-do-te-ndieja-te-njejten-dhimbje-qe-do-te-ndienin-italianet-nese/

 

https://zeri.info/dosier/415743/corriere-ditalia-1913-ose-intervista-me-isa-boletinin-nese-shkodra-dhe-janina-do-tu-jepeshin-aleateve-do-te-ndieja-te-njejten-dhimbje-qe-do-te-ndienin-italianet-nese-roma-do-te-dorezohej/

 

https://www.kultplus.com/lajme/isa-boletini-nese-shkodra-dhe-janina-do-tu-jepeshin-aleateve-do-te-ndieja-te-njejten-dhimbje-qe-do-te-ndienin-italianet-nese-roma-do-te-dorezohej/

 

https://opinion.al/1913-intervista-me-isa-boletinin-cfare-thoshte-per-shkodren-dhe-janinen/

 

https://alb-spirit.com/2021/07/12/corriere-ditalia-1913intervista-isa-boletinin-nese-shkodra-dhe-janina-tu-jepeshin-aleateve-une-te-ndieja-te-njejten-dhimbje-qe-te-ndienin-italianet-nese-roma-te/

 

https://konica.al/2021/07/ne-rome-isa-deshmon-per-shkoder-e-janine/

 

https://dosja.al/corriere-ditalia-1913-intervista-me-isa-boletinin-nese-shkodra-dhe-janina-do-tju-jepeshin-aleateve-une-do-te-ndieja-te-njejten-dhimbje-qe-do-te-ndienin-italianet-nese/

 

https://www.syri.net/arte-media/436522/1913-la-stampa-shpresat-dhe-shqetesimet-e-isa-boletinit/

 

http://www.arsalbanica.mk/intervista-me-isa-boletinin-nese-shkodra-dhe-janina-do-tu-jepeshin-aleateve-une-do-te-ndieja-te-njejten-dhimbje-qe-do-te-ndienin-italianet-nese-roma-do-te-dorezohej-corr/  

 

Burimi : Mapo, e martë, 13 korrik 2021, f.14
Burimi : Mapo, e martë, 13 korrik 2021, f.14
Burimi : Koha, e mërkurë, 14 korrik 2021, f.12
Burimi : Koha, e mërkurë, 14 korrik 2021, f.12