Gazeta franceze « Le Matin », 1920 : Kur Avni Rustemi shpjegonte në gjyqin e tij arsyen e vrasjes së Esat Pashës


Burimi : Cour d'assises : meurtrier d'Essad Pacha, Avni Rustem : [photographie de presse] / © Agence Meurisse  - gallica.bnf.fr / Bibliothèque nationale de France
Burimi : Cour d'assises : meurtrier d'Essad Pacha, Avni Rustem : [photographie de presse] / © Agence Meurisse - gallica.bnf.fr / Bibliothèque nationale de France

Nga Aurenc Bebja*, Francë – 20 Janar 2017

 

Më 13 qershor të 1920, në kryeqytetin francez, Esat Pasha po dilte nga hotel « Continental », i shoqëruar nga një mik dhe një mikeshë, për të shkuar në drejtim të automjetit të tij, i parkuar në rrugën « Castiglione ». Avni Rustemi, i cili po priste mbi trotuar, qëllon dy herë mbi të duke e lënë të vdekur në vend.

 

Si rrjedhim, gazeta franceze, « Le Matin », ka botuar, në faqen e parë të saj, më datë 30 nëntor 1920, një artikull mbi proçesin gjyqësor të kësaj vrasje të bujshme. Ajo ka botuar shkëmbimet e ndryshme në sallën e gjyqit, ku bie veçanërisht në sy gjakftohtësia e Avni Rustemit.

 

Më 20 qershor 1920, Avni Rustemi shfaqet para Gjykatës së Krimeve të Rënda të « Seine-s ». Gazeta e përshkruan autorin 27 vjeçar, si të dobët fizikisht, që dukej sikur të ishte 20 vjeçar, me një pamje të mprehtë, i cili ishte i sigurtë kur shprehej, me një kokëfortësi që haset tek të gjithë vrasësit politikë. Dhe si ata, ai dinte të përdorte lehtësisht « klishetë ».

 

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Në vijim, seanca gjyqësore e rrëfyer në gazetën franceze : 

 

« Seanca është udhëhequr nga kryetari i gjykatës, këshilltari Z. Drioux.

 

Avokati i Përgjithshëm Bloch – Laroque mbështet akuzën.

 

E veja e Esat Pashës përfaqësohet , si palë civile, nga avokatët Freyssanges et Lyon – Caen.

 

Avokati De Monzie (Anatole) mbron të akuzuarin.

 

Pas formaliteteve, fillon marrja në pyetje e Avni Rustemit.

 

I akuzuari, i lindur në një familje me prona përreth Janinës, është shkolluar në Konstandinopojë, Gjenevë dhe Romë. Ai i ishte destinuar mësimdhënies. Në vitin 1913, u bashkohet Shqiptarëve që luftonin kundra Greqisë me qëllim « lirimin e Epirit ».

 

***

Z. Drioux : Në atë moment të caktuar, ju nuk e njihnit Esat Pashën ?

 

Avni Rustemi : Oh, kanë folur shumë për të !

 

Z. Drioux : Po ju paralajmëroj se do të jem tepër i kujdesshëm në këtë terren. Unë pranoj se jam i paditur në çështjet e historisë dhe politikës shqiptare. Mbi këtë bazë, unë do të ju lejoj të thoni atë që ju dëshironi.

 

***

 

Rustemi përfiton nga leja për të afirmuar se në Shqipëri kishte vetëm një qeveri legjitime, ajo e cila luftoi Esat Pashën.

 

…Në maj të vitit 1920, partizani i ri kthehet në Shqipëri, ku takon « një zyrtar të lartë, i cili i shpjegon situatën » dhe kuptohet se është kundra « Esatiste ». Në vijim niset për në Paris.

 

***

 

Z. Drioux : Çfarë burimesh financiare keni ?

 

Avni Rustemi : Pak më shumë se 6000 lireta.

 

Z. Drioux : Nga vijnë këto para ?

 

Avni Rustemi : Nga vëllai im.

 

Avokati i Rustemit, De Monzie : Kjo dëshmon se Rustemi nuk është vrasës me pagesë.

 

***

 

Rustemi e përgjonte Esatin nga hoteli i rrugës « Saint – Hyacinthe », komshi me hotelin « Continental », ku jetonte Esati. Iu desht vetëm një « hap » për ta gjetur. Më 13 qershor u takua papritmas me pashain në trotuarin e rrugës « Castiglione » dhe aty ndodhi gjithçka.

 

***

 

Avni Rustemi : Kur pashë këtë njeri u turbullova dhe nuk u kontrollova dot.

 

Z. Drioux : Dhe pastaj, ju qëlluat ?

 

Avni Rustemi : Ishte një gjest ashtu si marrja e Bastijës !

 

Z. Drioux : Ju u bëni aluzion, pa i njohur mirë, disa fakteve të historisë sonë. Shumë të huaj shprehen kështu. Në një tekst të shkruar nga pala juaj mbrojtëse, miqtë tuaj e kanë krahasuar viktimën me Luigjin e XVI ! Ju paralajmërova se mund të thoni gjithçka në lidhje me politikën shqiptare. Ne, francezët, ne nuk mund të harrojmë se Esati ishte miku ynë, që u detyrua të largohej prej austriakëve, që ka punuar në shpëtimin e ushtrisë serbe, dhe për arsye të këtyre fakteve, ai u dekorua me Kryqin e Madh të Legjionit të Nderit.

 

Avokati i Rustemit, De Monzie : Franca ka besuar disa herë gabimisht.

 

***

 

Proçesi gjyqësor mbyllet me këto fjalë të akuzuarit :

 

Avni Rustemi : Unë nuk e kam paramenduar vrasjen. Unë kam qenë gjithmonë i shtyrë nga ndjenjat e pastra.

 

***

 

Nga ky moment, mbaron proçesi i Avni Rustemit dhe fillon i Esatit.

 

***

 

Dëshmitarët e parë, doktori Paul, eksperti i armëve Flobert, roja (gjuetari) Cavet që ndaloi vrasësin u dëgjuan me shpejtësi.

 

Avokati i Rustemit, De Monzie, me aftësinë e madhe për të mbrojtur klientin e tij, do të tërheqë vëmendjen e sallës në vijim.

 

***

 

Avokati i Rustemit, De Monzie : Një patriot shqiptar, si Rustemi, a ka pasur ndaj Esatit ankesa të bazuara (të mjaftueshme) për të eliminuar tiranin dhe tradhtarin ?

 

***

 

Sipas gazetës, dhjetë dëshmitarë mbrojnë të vrarin.

 

Gjenerali Gouraud i ka shkruajtur Z. Drioux për të vërtetuar bujarinë e Esatit. Z. Edouard Julia e konsideron Esatin si një mik të Francës.

 

***

 

Z. Julia : Figura e tij ushtarake ishte ajo e një heroi. Ishte ai që mundësoi dialogun me mbretin Konstandin. Personaliteti i tij politik nuk ishte më pak i shquar. Ai ka kontribuar shumë në fitoren e aleatëve. Pa atë, asnjë serb nuk do t’i kishte shpëtuar fatkeqësisë, asnjëri prej tyre nuk do të arrinte në Korfuz. Unë nuk jam këtu për të shkatërruar një njeri të ndriçuar nga pasioni i tij politik, por do t’i them të akuzuarit, se duke vrarë Esatin, ai ka sakrifikuar fatin e fundit për bashkim dhe pavarësi që i kishte mbetur shtetit të tij.

 

Avokati i Rustemit, De Monzie : Esati, a nuk e dorëzoj Shkodrën në 1913 armiqëve të shtetit të tij ? Dëshmitarë të tjerë do të vijnë të tregojnë. »

 

***

 

Ekspertë të tjerë kanë vazhduar të flasin në gjyq si për shembull gjenerali Sarrail, ish-shefi i byrosë së ushtrisë Orientale, Z. Ancel, apo Z. Auguste Gauvain, Z. Gaston Richard, koloneli Lamouche dhe konsulli francez në Selanik, Z. Graillet.

 

Të gjithë këta zotërinj nuk kanë rënë dakord me pohimet e njëri – tjetrit.

Gjatë kësaj seance gjyqësore nuk është marrë një vendim i menjëhershëm për Avni Rustemin.

 

 

* Çdo gazetë online apo print, çdo portal që merr këtë shkrim duhet të citojë burimin e  informacionit si në vijim – Aurenc Bebja, Blogu © Dars (Klos), Mat – Albania : https://www.darsiani.com/la-gazette/gazeta-franceze-le-matin-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

 

Publikuar në :

 

Dielli :

http://gazetadielli.com/le-matin-avni-rustemi-ja-pse-e-vrava-esat-pashen/

 

VOAL :

https://www.voal.ch/gazeta-franceze-le-matin-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes-nga-aurenc-bebja-france-20-janar-2017/

 

Tirana Observer :

http://www.tiranaobserver.al/news-item/1920-gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Dita :

http://www.gazetadita.al/gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Kult Plus :

http://www.kultplus.com/?id=5&l=18894

 

Opinion.al :

http://opinion.al/gazeta-franceze-le-matin-ne-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Lapsi :

http://www.lapsi.al/dossier/2017/01/20/gazeta-%E2%80%9Cle-matin%E2%80%9D-1920-si-e-shpjegoi-n%C3%AB-gjyq-avni-rustemi-vrasjen-e-esat-pash%C3%ABs#.WIevjfnhDIV

 

Dritare :

http://www.dritare.net/2017/01/21/gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/1

 

Gazeta Shqip :

http://gazeta-shqip.com/lajme/2017/01/24/vrasja-e-esat-pashes-gjakftohtesia-e-avni-rustemit-ne-gjyq/

 

Koha Jonë :

http://www.kohajone.com/2017/01/24/vrasja-e-esat-pashes-gjakftohtesia-e-avni-rustemit-ne-gjyq/

 

Gazeta Express :

http://www.gazetaexpress.com/lajme-nga-shqiperia/gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes-311221/

 

Njëkomb.com :

http://www.njekomb.com/?p=4662

 

Shqipëria Ime :

http://shqiperiaime.al/post-8101/

 

Gazeta Infopress :

http://gazetainfopress.com/aktualitete/gazeta-franceze-le-matin-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes

 

Maqedonia Shqiptare :

http://maqedoniashqiptare.com/2017/01/gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Struga Lajm :

http://strugalajm.com/index.php/koha-kur-avni-rustemi-tregoi-arsyen-pse-e-vrau-esat-pashen/

 

Lexo.al :

http://lexo.al/gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Nacional Albania :

http://www.nacionalalbania.al/2017/01/gazeta-franceze-le-matin-ne-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Ulqini Online :

http://ulqini-online.com/sajti/?p=12442

 

Manastiri Lajm :

http://manastirilajm.com/gazeta-franceze-le-matin-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Shqiptari.eu :

http://www.shqiptari.eu/gazeta-franceze-le-matin-1920-kur-avni-rrustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Kosova Sot :

https://www.kosova-sot.info/dossier/167062/gazeta-le-matin-1920-si-e-shpjegoi-ne-gjyq-avni-rustemi-vrasjen-e-esat-pashes/

 

Malisheva Press :

http://malishevapress.com/fakte-te-reja-si-e-shpjegoi-ne-gjyq-avni-rustemi-vrasjen-e-esat-pashes/

 

Daily News :

https://dailynews.al/2017/01/gazeta-franceze-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes

 

Gazeta Iliria :

http://gazetaliria.com/gazeta-franceze-le-matin-1920-kur-avni-rustemi-shpjegonte-ne-gjyqin-e-tij-arsyen-e-vrasjes-se-esat-pashes/

 

Libohova Online :

http://www.libohovaonline.com/gazeta-le-matin-1920-si-e-shpjegoi-ne-gjyq-avni-rustemi-vrasjen-e-esat-pashes/