Shkrim botuar në Francë në vitin 1653 : Gjergj Kastrioti sipas At Nicolas Caussin


Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Aurenc Bebja, Francë – 26 maj 2016

 

Prifti, At Nicolas Caussin, ka lindur në vitin 1583 në qytetin francez të Troyes. Ndërroi jetë në 1651. Dy vite më vonë, në1653, u publikua libri i tij me titullin « Oborri i shenjtë i At Nicolas Caussin », me një volum prej 748 faqesh. Në këtë libër gjejmë shkrimin i tij të shkurtër, por tepër interesant, për heroin tonë kombëtar, princin e Matit dhe mbretin e Shqiptarëve, Gjergj Kastriotin, Skënderbeun.

 

Shkrimi titullohet : « Georges Castriot ». Rikthimi i tij në shqip ishte disi i vështirë, sepse është shkruajtur në frengjishten e vjetër. Si fillim, më është dashur ta risjell atë në frengjishten e tanishme, dhe në vijim ta përshtas në gjuhën tonë. Jam munduar tu qëndroj besnik fjalëve të autorit, megjithëse nuk ishte një mision tepër i lehtë, por mundi ia vlen për vepra të tilla, të cilat janë të rralla dhe me rëndësi kombëtare.

 

Kush ishte Gjergj Kastrioti ? Ja rrëfimi i At Nikollas për heroin tonë :

 

 

Fillimet e Gjergj Kastriotit

 

Shoh në Kastriotin, dikë më të madh se Leonidasi dhe Themistokli, shoh Pirron, shoh Aleksandrin e Madh, edhe pse armiqtë e tij ishin më të fortë sesa ata të Maqedonasit, pra guximi i tij nuk duhet nënvleftësuar. Ai ishte ushtar para se të bëhej burrë, dhe natyrshëm u gjet me shpatë në dorë dhe kurajo në zemër.

 

I madh, me një fytyrë magjepse, i fuqishëm dhe i shëndetshëm, sytë e tij kompozoheshin mes ylberit dhe rrufesë, duart e tij qenë krijuar për të mbajtur shkëndijat e rrufesë, këmbët e tij nuk ngjasonin me asnjeri, të gjitha këto tipare paralajmëronin famën (suksesin) e tij.

 

Si Shqiponjë e vogël, filloj që në fëmijëri të luajë me rrufetë. Këtij Herkuli iu desht të fillojë dhe tu marrë frymën gjarpërinjëve të djepit të tij, iu desht të ushqehej në mes të armiqëve dhe të luftojë që i mitur kundra të rriturve. I ati, Gjon Kastrioti, i cili kishte pak forca dhe shumë fatkeqësi, u detyrua ta dërgojë peng dhe të rritet tek Turqit e Muratit.

 

Pallati sulltanor i imponoj emrin Skënderbe, që është ai i Aleksandrit, emër i cili i solli mbarësi dhe e respektoj me plot fjalën. U trajnua në të gjitha ushtrimet e milicisë  së akademisë Turke, ku ia arriti me forcë, aftësi, e miratim, dhe ku secili e shikonte atë si një mbështetës të veçantë të Perandorisë së Muhamedit.

 

Por ai, në zemër kishte gjithmonë Jezusin, mendonte gjithmonë të gjente mënyra për tu shkëputur nga Perandoria. Në brendësi të shpirtit të tij, kishte një flakë, e cila e përvëlonte për zellin që kishte për të rimëkëmbur altarët e krishterëve të vrarë dhe të shkatërronte Shtetin e osmanllinjëve.

 

 

Dyshimet dhe kurthet e Sulltan Muratit

 

Sulltan Murati filloj të kishte frikë nga skllavi i tij, dhe pati frikë të ushqejë në Pallatin e tij një luan që një ditë do të ishte i aftë ti tregonte dhëmbët.

 

Në beteja të ndryshme, tentoj ta fuste në kurth për ta zhdukur duke përfituar nga guximi i pafundëm i Skënderbeut. Një « scythe » (banorë i lashtë i Azisë qëndrore) kishte ardhur në oborrin e Muratit për tu ndeshur në një kafaz të mbyllur me rivalë të tjerë për jetë a vdekje. Fitoj duele të shumta dhe kishte besim të tepërt në forcën e tij. Secili rrotull kishte frikë kur guximtari Kastriot u ndesh me të, por ai i drodhi qafën me një dorë, dhe e vrau me tjetrën. Ata që nuk u mërzitën e duartrokitën.

 

Meqë ky duel i doli huq Muratit, ai gjeti një rast tjetër nëpërmjet një kalorësi persian, i cili kërkonte me ngulm të bëntë duel me heshtë (shtizë). Ishte një burrë që e njihte mirë këtë profesion, i cili lëvizte nëpër qytete dhe provinca, ku kërkonte përballje me kundërshtarë për tu përmirësuar dhe rritur reputacionin e tij.

 

Duhej një David për këtë Goliat, Aleksandri ynë i ri, vrapon drejt tij si një shqiponjë, e tërheq zvarrë dhe e shtrin për tokë persianin, i cili villte shpirt e gjak.

 

Por Murati, i cili luante personazhin e Saulit (mbretit të parë të izraelitëve), nuk reshti kurrë së gjeturi raste të tjera për të ushtruar Davidin e tij. Në luftë, i dha punë nga më të ndryshmet, por Skënderbeu korrte gjithmonë sukses, transformonte në trofe të gjitha çështjet që mund të shkaktonin rrënimin të tij dhe kthehej i gjallë nga goja e luanëve.

 

 

Ngjitja e Gjergj Kastriotit, rënia e Sulltan Muratit

 

Sulltan tradhëtari i thurte fjalë (lavde) të bukura Skënderbeut…I premtonte se do ti dorëzonte Shtetet (Tokat) pas vdekjes së babait, por ditën e fundit të jetës së Gjon Kastriotit, fjalë e tij dëshmuan se ishin mashtrime dhe premtimet i mori era.

 

Skënderbeut i kishte sosur durimi dhe vendosi të marrë Mbretërinë e Shqipërisë me një lojë taktike delikate. Lajmi bujshëm shkon në Pallatin e Sulltanit, dhe të gjitha qëllimet e Muratit ishin hakmarrja. Hali Bassa (Ali ose Halit Pasha) dërgohet me 40 mijë ushtarë për ti dhënë fund kësaj situate. Por të gjithë trupat e tij u shpartalluan dhe nuk u mbeti asgjë për tu krenuar, përveçse ndoshta humbja ndaj Kastriot trimit...

 

Çfarë mund të themi më shumë për madhështinë e Skënderbeut ? Fytyra tiranike dhe e ashpër e sulltanit, e cila pati qenë e tillë gjatë gjithë jetës së tij, u zbut dhe mori shenjat e një lutësi. Ai kërkoj paqen, por ia refuzuan, kërkoj një marrëveshje por e përçmuan. Arrogant, i ndjerë i provokuar,  erdhi me 200 mijë ushtarë në Krujë, në kryeqytetin e Kastriot guximtarit (Sulltani dështoi plotësisht). Ai që kishte jetuar me lavdi, vdiq nga trishtimi i poshtërimit të tij dhe mori me vete në botën tjetër pafuqinë dhe dëshirën e përjetshme të hakmarrjes.

 

Mehmeti, djali i tij, terrori i Universit, i cili rrëzoi dy Perandori, pushtoj 200 qytete, vrau 20 million njerëz, erdhi dhe dështoi po në këtë vend shkëmbor. A ishte e nevojshme gjithë kjo gjakderdhje për të shkruajtur mbi trofetë e Kastriotit titullin i Pamposhtur ?

 

 

Homazh për kontributin e Gjergj Kastriotit

 

Kush do ta kishte besuar së një njeri i vdekshëm do të arrinte deri në këtë pikë ? Sigurisht, duhet pranuar se ai e huazoj emrin e tij tek Zoti për të gjitha këto, dhe anasjelltas Zoti i huazoj krahun e tij.

 

Thuhet për të që nuk refuzoi kurrë një betejë, kurrë nuk e ktheu shpinën, kurrë nuk u plagos, përveçse një herë fare lehtë. Ai ka vrarë dy mijë barbarë me dorën (shpatën) e tij. Mehmeti, djali i Muratit, dëshironte të prekte këtë shpatë të cilën Skënderbeu përdorte, e admiroj atë edhe pse ishte e larë me gjak turqsh. Atij i ra në dorë shpata e çelikut, por kurrë krahu që e përdorte.

 

O Kastriot trimi, në qoftë se katolikët mundën të shpëtonin nga tirania e Sulltanëve, kjo mund të ndodhte falë teje. Duhet pohuar që plagët tona ishin të pashërueshme, dhe përçarjet mes nesh na penguan ti sillnim ndihmë dorës tënde hyjnore. Ethet të morën jetën në qytetin e Lezhës…Pasi jetove si Komandanti më i admiruar, ti vdiqe si një fetar i vërtetë, duke prekur të gjithë zemrat e atyre që tu përkushtuan me shumë ndjeshmëri…

 

Dhe tani, ti nuk ke nevojë që të të gjejmë varrin, sepse memorja jote ka gjetur po aq monumente sa ka zemra ndër shekuj.

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/shkrim-botuar-ne-france-ne-vitin-1653-gjergj-kastrioti-sipas-at-nicolas-caussin/. Në rast të kundërt mos e publiko këtë shkrim.

 

 

Publikuar në :

 

Opinion.al :

http://opinion.al/gjergj-kastrioti-sipas-at-nicolas-caussin/

 

Dita :

http://www.gazetadita.al/gjergj-kastrioti-sipas-at-nicolas-caussin/

 

Dielli :

http://gazetadielli.com/shkrim-botuar-ne-france-ne-vitin-1653-gjergj-kastrioti-sipas-at-nicolas-caussin/

 

Bota Sot :

http://botasot.info/lajme/552233/shkrim-botuar-ne-france-ne-vitin-1653-gjergj-kastrioti-sipas-at-nicolas-caussin/

 

Bota Press :

http://botapress.info/shfletimi-i-historise-gjergj-kastrioti-sipas-at-nicolas-caussin-shkrim-botuar-ne-france-ne-vitin-1653/

 

Bota.al :

http://www.bota.al/2016/05/gjergj-kastrioti-sipas-at-nicolas-caussin/

 

Tirana Observer :

http://www.tiranaobserver.al/news-item/shkrim-botuar-ne-france-ne-vitin-1653-kush-ishte-gjergj-kastrioti-sipas-at-nicolas-caussin/

 

Ikvi.at :

http://www.ikvi.at/?p=14915

 

Kosova Plus :

http://kosovaplus.com/shkrim-botuar-ne-france-ne-vitin-1653-gjergj-kastrioti-sipas-at-nicolas-caussin/

 

Revista Drini :

http://www.revistadrini.com/2016/05/gjergj-kastrioti-e-mundi-dhe-poshteroi-sulltan-mehmetin-e-ii-te-pushtuesin-e-dy-perandorive-dhe-200-qyteteve/

 

Lexo.al :

http://lexo.al/shkrim-botuar-ne-france-ne-vitin-1653-gjergj-kastrioti-sipas-nicolas-caussin/

 

Epoka e Re :

http://www.epokaere.com/sq/Kultur%C3%AB/Kush-ishte-Gjergj-Kastrioti--sipas-At-Nicolas-Caussinit

 

Ina - Online :

http://ina-online.net/shkrim-botuar-ne-france-ne-vitin-1653-gjergj-kastrioti-sipas-at-nicolas-caussin/

 

Tema :

http://www.gazetatema.net/web/2016/05/28/shkrim-i-botuar-ne-france-ne-vitin-1653-kush-ishte-gjergj-kastrioti/

 

Telegrafi :

http://www.telegrafi.com/shkrim-botuar-ne-france-ne-vitin-1653-kush-ishte-gjergj-kastrioti/

 

Pashtriku :

http://www.pashtriku.org/?kat=64&shkrimi=5387

 

Koha Jonë :

http://www.kohajone.com/2016/05/28/shkrim-i-botuar-ne-france-ne-vitin-1653-kush-ishte-skenderbeu/

 

Almakos :

http://www.almakos.com/shkrim-botuar-ne-france-ne-vitin-1653-kush-ishte-gjergj-kastrioti/

 

NewBorn :

http://gazetanewborn.net/shkrim-botuar-ne-france-ne-vitin-1653-kush-ishte-gjergj-kastrioti/

 

Infopress :

http://www.gazetainfopress.com/aktualitete/27600/shkrim_botuar_ne_france_ne_vitin_1653_kush_ishte_gjergj_kastrioti

 

Zemra Shqiptare :

http://www.zemrashqiptare.net/news/id_43259/cid_7/Shkrim-i-botuar-n%C3%AB-Franc%C3%AB,-1653:-Kush-ishte-Kastrioti?.html

 

Pamfleti :

http://pamfleti.com/shkrim-botuar-ne-france-ne-vitin-1653-kush-ishte-gjergj-kastrioti

 

Durrës Lajme :

http://durreslajm.com/kultura/shkrim-i-botuar-n%C3%AB-franc%C3%AB-n%C3%AB-vitin-1653-kush-ishte-gjergj-kastrioti

 

Opozita.com :

http://opozita.com/2016/05/shkrim-i-botuar-ne-france-ne-vitin-1653-kush-ishte-gjergj-kastrioti/

 

Republika Online :

http://www.republikaonline.net/shkrim-botuar-ne-france-ne-vitin-1653-kush-ishte-gjergj-kastrioti/

 

Struga.net :

http://www.struga.net/shqiperia-shkrim-i-botuar-ne-france-ne-vitin-1653-kush-ishte-gjergj-kastrioti/

 

Aktuale.dk :

http://aktuale.dk/index.php/general/lajme-aktuale/307-gjergj-kastrioti-sipas-at-nicolas-caussin-ne-1653

 

Gazeta Ora :

http://gazetaora.com/2016/06/03/shkrim-botuar-ne-france-ne-vitin-1653-gjergj-kastrioti-sipas-at-nicolas-caussin/