Le Temps (1930) / Fjalimi mbresëlënës i ambasadorit amerikan, Herman Bernstein, para mbretit Zog


Herman Bernstein (Ambasador i Shteteve të Bashkuara të Amerikës në Shqipëri)
Herman Bernstein (Ambasador i Shteteve të Bashkuara të Amerikës në Shqipëri)

Nga Aurenc Bebja*, Francë – 17 Qershor 2019

 

“Le Temps” ka botuar, të premten e 5 shtatorit 1930, në faqen n°2, një shkrim në lidhje me fjalimin e ambasadorit amerikan, mbajtur para mbretit Zog, me rastin e përvjetorit të themelimit të monarkisë, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar : 

 

Festa Kombëtare

 

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Na telegrafojnë nga Tirana :

 

Me rastin e përvjetorit të themelimit të monarkisë, ambasadori i Shteteve të Bashkuara, z. Herman Bernstein, Dekan i Korpusit Diplomatik, mbajti, para mbretit, fjalimin e mëposhtëm :

 

Në emër të kolegëve të mi të ndëruar të korpusit diplomatik, kam privilegjin dhe kënaqësinë e madhe, në këtë rast të paharrueshëm të përvjetorit të Mbretërisë së Shqipërisë, për të përshëndetur me përzemërsinë dhe urimet e mia më të ngrohta Madhërinë tuaj, organizatorin e këtij vendi për përparim.

 

Madhëri, ju, simbol i Shqipërisë së vjetër dhe të re, në këtë vend të lashtë dhe të madh, të njohur për heroizmin dhe lavdinë e tij, për përpjekjet shekullore për pavarësinë e tij, keni qenë instrumenti i rinovimit dhe rehabilitimit të këtij kombi, i cili në sajë të rendit, paqes, këmbënguljes dhe tolerancës së gjerë fetare dhe në sajë të frymës suaj tradicionale dhe të pandryshueshme bashkëngjitur pavarësisë, tani renditet në mesin e vendeve të tjera të botës, duke bërë hapa të mëdhenj drejt progresit.

 

Në këtë ditë historike, mundësuar nga Asambleja Kushtetuese, e cila shpreh vullnetin e popullit shqiptar, më lejoni t’i shpreh Madhërisë suaj, urimet tona më të mira për prosperitetin dhe përparimin e kombit dhe për shëndetin dhe lumturinë e Madhërisë suaj.

 

Mbreti u përgjigj :

 

Kam qenë veçanërisht i ndjeshëm ndaj urimeve që Shkëlqesia juaj, në emër të tij dhe të kolegëve të tij të nderuar, më shprehën. Kam kënaqësinë të theksoj se punët e paqes, rendit dhe progresit, të ndërmarra tashmë në Shqipëri, konsolidimi i të cilave i mbush zemrat tona me besim të madh në të ardhmen e kombit, hasin të njëjtin konstatim pranë jush dhe kolegëve tuaj të shquar, përfaqësuesë të fuqive miqësore të Shqipërisë.

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-temps-1930-fjalimi-mbreselenes-i-ambasadorit-amerikan-herman-bernstein-para-mbretit-zog/. Në rast të kundërt mos e publiko këtë shkrim.

 

 

Publikuar në :

 

https://americaneye.al/fjalimi-mbreselenes-i-ambasadorit-amerikan-bernstein-para-mbretit-zog/

 

https://opinion.al/fjalimi-mbreselenes-i-ambasadorit-amerikan-para-mbretit-zog/

 

https://www.botasot.info/historia-lajme/1106416/le-temps-1930-fjalimi-mbreselenes-i-ambasadorit-amerikan-herman-bernstein-para-mbretit-zog/

 

https://27.al/fjalimi-mbreselenes-i-ambasadorit-amerikan-herman-bernstein-para-mbretit-zog/

 

http://www.njekomb.com/?p=216613

 

https://www.kohajone.com/2019/06/17/fjalimi-mbreselenes-i-ambasadorit-amerikan-para-mbretit-zog/

 

https://360grade.al/263913/keni-bere-hapa-te-medhenj-drejt-progresit-1930-ambasadori-amerikan-i-drejtohej-mbretit-zog-madheri-ju-simbol-i-shqiperise-se-vjeter-dhe-te-re/

 

https://www.voal.ch/le-temps-1930-fjalimi-mbreselenes-ambasadorit-amerikan-herman-bernstein-para-mbretit-zog/

 

https://maqedoniashqiptare.com/2019/06/le-temps-1930-fjalimi-mbreselenes-i-ambasadorit-amerikan-herman-bernstein-para-mbretit-zog/