Le Matin (1935) : Intervista e këshilltarit bashkiak të Parisit me mbretin Zog mbi zhvillimin e Shqipërisë


Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Nga Aurenc Bebja*, Francë – 5 Korrik 2017

 

Gazeta franceze, « Le Matin », ka botuar të mërkurën e 19 qershorit 1935, në faqe të parë dhe të dytë, intervistën e këshilltarit bashkiak të Parisit, Z. Alex Biscarre, me mbretin Zog, në pallatin mbretëror me vendodhje në kryeqytetin shqiptar.

 

Fillimisht, Z. Biscarre ka përshkruar figurën e Ahmet Zogut, i cili sigurisht nuk e ka lënë aspak indiferent. Madje, mund të konstatojmë edhe një lloj admirimi të tij për mbretin e shqiptarëve.

 

Në vijim, francezi ka rrëfyer proçedurën e nevojitur për të takuar monarkun shqiptar, institucionet apo personat e nevojshëm që duheshin kontaktuar për të realizuar intervistën.

 

Ndërsa, në fund, gjejmë intervistën e tij të plotë me sovranin shqiptar, të sjellë asokohe për publikun francez dhe frankofon.

 

Çfarë përmban konkretisht kjo intervistë ? Për më shumë, do të gjeni shkrimin e plotë, të sjellë në shqip nga Aurenc Bebja, Blogu « Dars (Klos), Mat – Albania » :

 

« Mbreti Zog ka tipare të një vazhdimësie të rregullt, një ballë të gjerë dhe një vështrim të sinqertë e të qartë, dhe të gjithë butësinë e vendeve të Lindjes. I gjatë dhe i hollë, pa vese, disi i ftohtë, Zogu I, mbret i shqiptarëve, më priti në pallatin e tij në Tiranë, i rrethuar nga lulishte trëndafilash.

 

Ky djalë i vërtetë i Shqipërisë, fëmijë malësor, mbretëron, mbi të gjitha, falë punës së tij. Ai e ka bindur popullin e tij falë përkushtimit dhe sakrificës së tij.

 

Megjithëse, ditë e natë, zhurmat nga jashtë mbërrijnë deri në pallat, mbreti, i izoluar në një kabinet të gjerë pune, lexon, studion dhe sheh vetë të gjitha raportet (shkresat) e ministrave të tij.

 

Metoda e tij është heshtja. Ai nuk bën shpallje të mëdhaja, gjeste teatrale apo deklarata këmbëngulëse. Mbreti nuk ka kontakt me asnjë person dhe jeton i rrethuar vetëm me motrat dhe nipin e tij, ndërsa dy nipërit e tjerë të tij ndjekin studimet në Saint-Cyr, në Francë. Kohët e fundit, Oborri Mbretëror është në zi si arsye e vdekjes së Nënës Mbretëreshë.

 

Që të futesh në pallat dhe të pritesh për audiencë, është thelbësore të mbështetesh në diplomacinë e ministrit tonë në Tiranë, Z. Marcel Ray, dhe me padyshim në kortezinë e Z. Rrok Stani, shef i protokollit. Duhet githashtu të kalosh në shtëpinë (akademinë) ushtarake, nga ku mbreti më shoqëroi bashkë me një punonjës të oborrit.

 

Mbreti shtatlartë iu përgjigj përshëndetjeve të mia rituale. Ai më zgjati dorën e tij të gjatë dhe të hollë për të më ofruar një cigare. Fjalët e tij të para, që më tha, ishin :

 

– Unë jam shumë i lumtur që një gazetë e madhe franceze dëshiron të interesohet për Shqipërinë. Ju do të jeni këtu për të gjykuar përpjekjet e një vendi të ri për tu modernizuar.

 

Sovrani vazhdoi :

 

– Unë kërkoj ndihmën dashamirëse të fqinjëve të mi sepse, nga pikëpamja e jashtme, politika ime është e thjeshtë. Ajo tenton të ruajë pavarësinë e Shqipërisë – përfundimisht pjesëmarrëse e koncertit evropian – dhe të mbajë kufijtë e mi të pandryshuar.

 

– Naltmadhëri, kufijtë tuaj mbrojnë një vend të mrekullueshëm të cilin unë do të përpiqem ta bëj të njohur në mesin e francezëve.

 

– Për këtë qëllim (u përgjigj sovrani) pashë me kënaqësi krijimin e një zyre turistike, por unë kam dëshirë të shumëfishoj rrugët turistike dhe hotelet e vogla për ti vënë dispozicion të vizitorëve. Sa më shumë të mësojnë për vendin tonë, aq më shumë do ta duan atë.

 

Dhe mbreti Zog më rrëfeu :

 

– Unë dua, për popullin tim, të vazhdoj të ndjek përpjekjet e mësuesve francezë të liceut të Korçës. Arsimi francez do të mundësojë të mbajë gjallë ndjenjat miqësore të shqiptarëve që kur luftuan dhe u anagazhuan për Francën.

 

Mbreti e ka fjalën për krijimin e lëvizjes së parë për pavarësi – e paraprirë nga rekrutime vullnetare – nga trupat e Sarrail-it në vitin 1917 në qytetin e Korçës.

 

Ai shton :

 

– Unë kam inkurajuar krijimin e linjave ajrore dhe mund, për disa orë, të shkojmë nga Tirana në Romë dhe nga Roma në Paris.

 

Pastaj sovrani më pyeti për qytetet që kisha vizituar dhe ishte i kënaqur për interesin që ato ngjallnin. Ai është përpjekur ti lidhë (bashkojë) të gjitha me anë të rrugëve, dhe në përfundim, më fton që të kthehem sërish, pas dy ose tre vitesh, për të parë progreset e mëtejshme. »

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-matin-1935-intervista-e-keshilltarit-bashkiak-te-parisit-me-mbretin-zog-mbi-zhvillimin-e-shqiperise/. Në rast të kundërt mos e publiko këtë shkrim.

 

 

Publikuar në :

 

Opinion.al :

http://opinion.al/le-matin-1935-intervista-e-keshilltarit-bashkiak-te-parisit-me-mbretin-zog-mbi-zhvillimin-e-shqiperise/

 

Shekulli.com.al :

http://www.shekulli.com.al/le-matin-1935-intervista-e-keshilltarit-bashkiak-te-parisit-mbretin-zog-mbi-zhvillimet-ne-shqiperi/

 

Maqedonia Shqiptare :

http://maqedoniashqiptare.com/2017/07/le-matin-1935-intervista-e-keshilltarit-bashkiak-te-parisit-me-mbretin-zog-mbi-zhvillimin-e-shqiperise/

 

Manastiri Lajm :

http://manastirilajm.com/le-matin-1935-intervista-e-keshilltarit-bashkiak-te-parisit-mbretin-zog-mbi-zhvillimin-e-shqiperise/

 

VOAL :

https://www.voal.ch/le-matin-1935-intervista-e-keshilltarit-bashkiak-te-parisit-mbretin-zog-mbi-zhvillimin-e-shqiperise-nga-aurenc-bebja-france-5-korrik-2017/

 

Gazeta Shqiptare :

http://www.gsh.al/2017/07/06/i-rrethuar-vetem-me-motrat-dhe-nipin-e-tij-ja-intervista-e-rralle-e-ahmet-zogut-per-gazeten-franceze/

 

Njëkomb.com :

http://www.njekomb.com/?p=15269

 

Dritare.net :

http://www.dritare.net/2017/07/06/intervista-e-mbretit-zog-per-gazeten-franceze-ja-cfare-thoshte-per-zhvillimin-e-shqiperise/1

 

American Eye :

http://www.americaneye.al/nje-interviste-e-rralle-e-mbretit-zog-keshilltarin-bashkiak-te-parisit-per-zhvillimin-e-shqiperise/

 

Tirana Observer :

http://www.tiranaobserver.al/nje-interviste-e-rralle-e-mbretit-zog-me-keshilltarin-bashkiak-te-parisit-per-zhvillimin-e-shqiperise/

 

Dielli :

http://gazetadielli.com/interviste-me-mbretin-zog/

 

Civitas :

http://www.civitas.al/al/civitas-plus/intervista-e-rralle-e-ahmet-zogut-per-gazeten-franceze

 

Aktivpress :

http://aktivpress.com/nje-interviste-e-rralle-e-mbretit-zog-me-keshilltarin-bashkiak-te-parisit/

 

Prishtina Press :

https://gazetaprishtinapress.com/2017/07/06/le-matin-1935-intervista-e-keshilltarit-bashkiak-te-parisit-me-mbretin-zog-mbi-zhvillimin-e-shqiperise/

 

Albinfo.ch :

http://www.albinfo.ch/le-matin-1935-intervista-e-keshilltarit-bashkiak-te-parisit-me-mbretin-zog/

 

InfoPress :

http://gazetainfopress.com/historia_arkeologji/le-matin-1935-intervista-e-keshilltarit-bashkiak-te-parisit-mbretin-zog-mbi-zhvillimin-e-shqiperise

 

360°.al :

https://www.360grade.al/me-shume/kulture/item/82735-le-matin-1935-intervista-e-keshilltarit-bashkiak-te-parisit-me-mbretin-zog-mbi-zhvillimin-e-shqiperise

 

Bota Sot :

http://www.botasot.info/historia-lajme/727385/le-matin-1935-intervista-e-keshilltarit-bashkiak-te-parisit-me-mbretin-zog-mbi-zhvillimin-e-shqiperise/