Letra e Mit’hat Frashërit për La France Libre (1921) : “Qeveria e Tiranës është mjaft e fortë dhe e pajisur mirë për të mbajtur rendin më të përsosur !”


Mit’hat Frashëri
Mit’hat Frashëri

Nga Aurenc Bebja*, Francë – 12 Shkurt 2020

 

“La France Libre” ka botuar, të hënën e 13 qershorit 1921, në faqen n°2, letrën e atdhetarit, shkrimtarit, diplomatit dhe politikanit shqiptar, z. Mit’hat Frashëri, i njohur ndryshe me pseudonimin e Lumo Skëndos, në lidhje me situatën e brendshme asokohe në Shqipëri, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar : 

 

Shqipëria

 

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Ne ka ardhur nga Zyra e shtypit shqiptar, në rrugën n°16 Lord-Byron, Paris, letra e mëposhtme, të cilën po e botojmë këtu më gjithë dëshirë, aq më shumë, që ajo saktëson aludimet e artikullit të drejtorit dhe mikut tonë Adrien Veber, por që është më pak optimiste se artikulli në “Le Matin” i z. Justin Godart :

 

Zoti drejtor,

 

Në “France Libre” të 3 qershorit lexova një artikull interesant të Adrien Veber me titull “Fermentime të turbulluara”, dhe një fjali edhe më interesante për mua, atë që ka të bëjë me Shqipërinë, vendin tim :

 

“Shqipëria, e njohur dhe madje e pranuar në Lidhjen e Kombeve, ende nuk ka një status territorial. Pavarësisht qeverisë së vogël të Tiranës, bandat qarkullojnë brenda vendit, ndërsa trupat serbe dhe greke kanë zënë strehë dhe vrojtojnë.”

 

Më lejoni, Zoti Drejtor, të bëj disa komente të cilat nuk do të kenë qëllim tjetër përveçse të hedhin pak dritë mbi situatën në Shqipëri.

 

Nuk ka banda që bredhin në vend, dhe qeveria e Tiranës është mjaft e fortë dhe e pajisur mirë për të mbajtur rendin më të përsosur.

 

Disa thashetheme greke dhe serbe kanë qarkulluar në lidhje me disa probleme në Shqipëri dhe praninë në këtë vend të oficerëve turq kemalistë. Asgjë nga këto nuk është e vërtetë.

 

Greqia kërkon devijimin e opinionit publik helen ndaj dështimeve të saj në Azinë e Vogël; nëse nuk ka dështim në anën e Anadollit, atëherë oreksi i saj rritet (vjen) duke ngrënë. Në çdo rast, ka në sjelljen e fqinjit tonë jugor një shqetësim për politikën e brendshme dhe rendin dinastik.

 

Shqipëria nuk mund të ketë asnjë raport me turqit dhe në asnjë rast nuk do të bëhet lodra e intrigave Kemaliste : politika e saj është sinqerisht kombëtare dhe priret që të ketë vetëm paqe brenda vatrës dhe kufijve të saj.

 

Duhet të theksohet se autoritetet greke, pa asnjë lloj arsyeje, na krijojnë vështirësi në kufijtë tanë, duke parandaluar udhëtarët, duke arrestuar ata që gjendeshin tashmë në Greqi... Ne gjithashtu dhe për fat të keq kemi vështirësi — por të një natyre tjetër — me serbët; dhe me synimin për t’i dhënë fund këtyre shkeljeve të kufijve të saj, Shqipëria i ka drejtuar një kërkese Lidhjes së Kombeve, e cila do ta shqyrtojë në mbledhjen e ardhshme të Këshillit të saj.

 

Lumo Skendo

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/letra-e-mit-hat-frasherit-per-la-france-libre-1921-qeveria-e-tiranes-eshte-mjaft-e-forte-dhe-e-pajisur-mire-per-te-mbajtur-rendin-me-te-persosur/. Në rast të kundërt mos e publiko.

 

 

Publikuar në :

 

https://americaneye.al/mithat-frasheri-gazetes-franceze-me-1921-nuk-ka-kaos-ne-shqiperi-qeveria-eshte-e-forte/

 

https://www.voal.ch/letra-e-mithat-frasherit-per-la-france-libre-1921-qeveria-e-tiranes-eshte-mjaft-e-forte-dhe-e-pajisur-mire-per-te-mbajtur-rendin-me-te-perkryer/

 

https://www.kultplus.com/lajme/letra-e-mithat-frasherit-me-1920-qeveria-e-tiranes-eshte-mjaft-e-forte-dhe-e-pajisur-mire-per-te-mbajtur-rendin-me-te-persosur/

 

https://www.balkanweb.com/letra-e-mithat-frasherit-per-la-france-libre-1920-qeveria-e-tiranes-eshte-mjaft-e-forte-dhe-e-pajisur-mire-per-te-mbajtur-rendin-me-te-persosur/

 

https://tirananews.al/qeveria-e-tiranes-eshte-mjaft-e-forte-letra-e-mithat-frasherit-per-le-france-libre/

 

https://dosja.al/dosja-38/

 

https://njekomb.org/letra-e-mithat-frasherit-per-la-france-libre-1920-qeveria-e-tiranes-eshte-mjaft-e-forte-dhe-e-pajisur-mire-per-te-mbajtur-rendin-me-te-persosur/

 

https://opinion.al/mithat-frasheri-1920-nuk-ka-banda-qeveria-e-tiranes-eshte-mjaft-e-forte/